影片
港铁柯士甸站 E出口, 步行约1分钟
继续阅读
电话号码
23207455
开饭介绍
店铺以怀旧港式茶室作主题，供应食物多元化，如港式车仔面、中式吊烧鸡、及西式小食等。店内菜单最特别是创新的芫茜汤车仔面，选用的是新鲜生芫茜。
继续阅读
营业时间
今日营业
11:30 - 22:30
星期一至日
11:30 - 22:30
公众假期
11:30 - 22:30
公众假期前夕
11:30 - 22:30
以上资料只供参考，请与餐厅确认详情
相关文章
前幾日去咗文化藝術聚集地既戲曲中心，陪屋企人睇戲曲順便食晚飯。揀咗「遊園」，古色古香既裝潢別具心思，重塑傳統戲曲中春日美景，令人彷彿置身於古代民間的濃厚氛圍中。提供經典小食、滋味明爐燒味及創意港式小炒，岩哂鍾意食中菜既屋企人。🥢金桔醋青瓜清爽前菜～青瓜切得厚薄適中，夠哂清脆，加入金桔醋，源自潮汕柑桔油，獨特酸甜味令整個菜式更加開胃！食落充滿清新果香，特別適合作餐前小食！🥢黃金脆魚皮魚皮炸至金黃酥脆，咬落發出清脆聲～鮮香魚皮與流沙鹹蛋黃相結合，口感極佳。🥢傳統焗蠔砵桶蠔肉質鮮美，搭配香濃醬汁、油炸鬼、肉碎、韭菜等，焗至金黃，味道非常夠味！蠔肉滑嫩，醬汁香氣滲透至每一口，帶來多重滋味。🥢頭抽煎八頭虎蝦 八頭虎蝦蝦肉鮮甜、肉質彈牙，搭配秘製頭抽，令蝦既鮮味更上一層樓！每一口都充滿著海鮮鮮香，煎至金黃色既蝦殼更增添香脆口感。🥢湘式紅燒肉經典湘式紅燒肉係湖南傳統佳餚，五花肉肉質肥而不膩，採用炒糖方式炮製出秘製醬汁，甜中帶鹹，滲入肉中，每啖都濃香無比，令人食得津津有味。🥢金勾啫啫芥蘭煲上枱熱辣辣，鹹香惹味，啫出清甜又爽脆既芥蘭，搭配金勾濃郁醬，增添豐富風味，令人印象深刻。🥢歌樂山鴛鴦雞精選雞肉及田雞，由大廚以精湛火侯及技巧，連同辣椒乾、天椒等炒至外酥內嫩、濃香四溢，又麻又香夠哂入味，令人食欲大增！🥢經典台山菜果臘味煲仔飯打開煲蓋香氣滿溢，選用道地港式臘味、台山菜果，飯粒乾爽甘香，吸滿臘味油香，味道豐腴滿足。🥢九年百合紅豆沙選用蘭州百合，經過九年精心栽培，口感無比清甜爽口，自然甘甜味食落特別舒心。Peony Garden 遊園地址 : 九龍尖沙咀柯士甸道西88號戲曲中心G樓2-3號舖
继续阅读
霜降咗就要食下D滋補野，今日就嚟到戲曲中心【Peony Garden 遊園】金桔醋青瓜$58醃青瓜上面有金橘燒咗點綴， 非常開胃的前菜。茉莉醉香雞$88肉質滑嫩，肥而不膩，微微醉香味。雞樅菌腰果炒龍蝦球$388一道非常健康老少咸宜的菜，龍蝦球爽口大。湘式紅燒肉$168麻辣版的紅燒肉，玻璃肉肥瘦相間，外皮香酥，一咬裡面超多汁，而且啖啖肉，嗜辣的朋友不能錯過。傳統焗蠔砵$198蒸蛋滑嫩充滿蠔的鮮味，加上脆卜卜的油炸鬼及陳皮的味道，口感都充滿層次。川味麻婆鴨血豆腐$98黑白麻辣雙拼，愛吃辣的人絕對不要錯過～味道又香又麻又辣，超級好送飯！完全具【麻、辣、鮮 、香、酥、嫩、燙、整】這八字箴言!台山手工黃鱔煲仔飯$168起秋風，最適合食個煲仔飯暖胃! 一道被遺忘的傳統功夫菜！！台山以吃黃鱔聞名，台山興哥手工黃鱔煲仔飯。用較為圓潤幼身的黃鱔，並拆肉起骨，肉質爽脆彈口。煲仔飯粒粒分明，飯焦香脆，風味十足，驅寒又暖胃，食完個人即刻暖哂!濃湯酸菜龍躉球$338(配料有銀芽、寬粉、蓮藕片、椰菜花）用龍躉代替鱸魚或桂花魚作主材料！龍躉鮮味肉厚，每一啖湯帶有膠質，可見魚皮的骨膠原融化於湯中；再加上有花椒、辣椒乾及泡椒等材料淆製而成。將酸、辣、麻及酸味，香辣而味豐，令人一試難忘！九年百合紅豆沙桑寄生蓮子蛋茶Overall來說9道菜平均每道菜2百幾，價錢相宜，每道份量不少！一入店就會見到古色古香的裝潢，更有座位置在牡丹亭中，就好像遊記一樣，而家坐外面更可飽覽維港景色，的確是不錯的選擇。
继续阅读
星期三晚上八點幾， 在OpenRice check過時間， 見這一間店收10 點，又近近地， 就行咗入去食晚飯，本身我哋想坐室外 ， 因為冇人帶位，我哋自己坐低，有個女侍應就叫我哋坐返入去室內， 我哋坐低咗唔想搬嚟搬去，佢又話室外要坐第二張枱，因為闊啲， 根本每一張枱長闊高都係一樣，我真係唔知佢講乜，坐低咗就企喺我隔籬拎住支筆吹我落單， 真係未見過有餐廳咁樣逼人落單，行開1分鐘俾人睇一睇都唔得，趕收工。 茶都唔可以俾你， 俾咗一壺白水。入去問過男人， 收銀處裏的， 佢就話茶要另外收錢，咁嘅人都有？ 成千蚊一餐飯都食得起真係睇唔起人俾唔起茶位咩？ 你係咪照收囉，趕時間收工都唔使咁㗎，真係受氣，啲餸菜嚟咗唔夠一陣就不停收碟， 食物從來背脊骨落如果你要收工咪唔好再俾我哋行入嚟囉， 入嚟之前有問你同你哋再三確認， 係咪閂門先俾我哋入？錢又要收， 食物同服務又唔提供
继续阅读
最近才發現戲曲中心有間美味又親民的中菜館🤩 「遊園」供應多款小炒、海鮮、燒味等菜式，碟碟足料又美味，加上古色古香的典雅裝修，非常適合一班人/家庭聚會呢🥢前菜【金桔醋青瓜】及【茉莉醉香雞】非常開胃，尤其喜歡醉雞，微微酒香加上茉莉的清香非常美味！【雞樅菌腰果炒龍蝦球】鮮甜帶微辣，爽口的龍蝦球令人印象深刻🦞色澤漂亮的【湘式紅燒肉】肥而不膩、口感軟腍，與麻香十足的【川味麻婆鴨血豆腐】均是配飯一流！入秋當然要吃【台山手工黃鱔煲仔飯】🍂 煲仔飯香口入味，米飯粒粒分明，真是滋補又美味！最後以【薑汁撞奶】及【九年百合紅豆沙】作結，滿滿暖意🫚🤍
继续阅读
今次介紹嘅中菜廳「遊園」，名字來源於經典名作「牡丹亭」嘅《遊園驚夢》。室內設計重現「牡丹亭」嘅中古代驛站，配以傳統木構打造屋頂，極具古典氣息。金桔醋青瓜爽脆青瓜配搭酸甜金桔醋，非常開胃。傳統焗蠔砵內餡加入咗油炸鬼、肉碎、桶蠔和韭菜。另外蠔砵焗到金黃色，每一啖都係蠔嘅鮮甜味。樟樹港辣椒辣炒和牛面頰香濃嘅樟樹港特產辣椒爆炒和牛面頰，辣度適中，和牛面頰熟度剛好。濃湯酸菜龍躉球份量好多，選用肉厚嘅龍躉球。酸菜湯加入咗花椒、辣椒乾等等，帶來唔同程度嘅辣香。遊園帶子螃蟹加入咗龍蝦、帶子和螃蟹肉，多款海鮮嘅鮮味融為一體。生磨腰果鮮奶露每日新鮮磨製，好香腰果味。
继续阅读