影片
更多
2021-12-09
50 浏览
有睇过日本嘅深夜食堂都会对𠮶种隐世小店有种向往，如果香港都有就好喇😀原来香港都有深宵食堂，主打串烧，咁一定要试下啦。一入到舖就感觉很日本，墙上贴满日本宫崎骏动画poster，天花又有啲樱花装饰，我仲好好彩可以坐窗边位置，可以望下弥敦道嘅街景，有啲置身世外的感觉。梅酒梳打 $48店员一拎到嚟就好贴心咁话搅匀先饮，而我就当然打完卡先饮啦🤣，都冇话好快就捞匀咗，饮落一啲都唔重酒精味，仲有淡淡的梅香，啱晒酒量唔好嘅女仔软壳蟹沙律 $72软壳蟹好热好香脆，冇被沙律汁浸湿，证明唔会为配合晚市一早整定，柚子醋好开胃，记得捞匀先食汁烧白鳝 $72白鳝有四旧，知道海鲜通常都比较贵，但呢个对得起价钱，外皮烧得香脆同沾上烧汁，烧完仍保留到肉汁，冇骨啖啖肉又有咬口，必食之选吉列广岛蚝 $38有四粒广岛蚝，炸粉唔厚，外皮酥香，内里幼滑辛口墨鱼须串（2串）$38墨鱼须排满竹签，上面洒满七味粉，有微微辛辣感，墨鱼须爽口，份量觉得好抵，但如果再重口味少少就perfect烧豚肉荔枝卷 $38呢个系永恒嘅配搭，荔枝清甜能中和豚肉的油腻感，豚肉唔会死咸，热辣辣好好食和牛串（2串）$68和牛有牛味，本来都怕会好韧变咗香口胶，
一入到舖就感觉很日本，墙上贴满日本宫崎骏动画poster，天花又有啲樱花装饰，我仲好好彩可以坐窗边位置，可以望下弥敦道嘅街景，有啲置身世外的感觉。
梅酒梳打 $48
店员一拎到嚟就好贴心咁话搅匀先饮，而我就当然打完卡先饮啦🤣，都冇话好快就捞匀咗，饮落一啲都唔重酒精味，仲有淡淡的梅香，啱晒酒量唔好嘅女仔
软壳蟹沙律 $72
软壳蟹好热好香脆，冇被沙律汁浸湿，证明唔会为配合晚市一早整定，柚子醋好开胃，记得捞匀先食
汁烧白鳝 $72
白鳝有四旧，知道海鲜通常都比较贵，但呢个对得起价钱，外皮烧得香脆同沾上烧汁，烧完仍保留到肉汁，冇骨啖啖肉又有咬口，必食之选
吉列广岛蚝 $38
有四粒广岛蚝，炸粉唔厚，外皮酥香，内里幼滑
辛口墨鱼须串（2串）$38
墨鱼须排满竹签，上面洒满七味粉，有微微辛辣感，墨鱼须爽口，份量觉得好抵，但如果再重口味少少就perfect
烧豚肉荔枝卷 $38
呢个系永恒嘅配搭，荔枝清甜能中和豚肉的油腻感，豚肉唔会死咸，热辣辣好好食
和牛串（2串）$68
和牛有牛味，本来都怕会好韧变咗香口胶，但咬落够淋有肉汁，有惊喜
店员态度亲切有礼又勤快，座位舒适，食物对得起价钱，呢啲良心小店一定要支持下
张贴
