kikusan

营业中

休息中

去咗置地广场食tea，谂住喺呢个地段嘅餐厅都唔平，点知行行吓发现左呢间kikusan，系一间主打中曰fusion菜。我哋二人点左一个鸡肉小笼包，同埋一个甜品，花生黑芝麻驴打滚。小笼包嚟到喇，一共有四只。系喺度谂紧一间fusio餐厅的小笼包应该唔会做得特别出色嘅时候，我发现我真系谂错咗啦。小笼包个皮真系好薄㖞，我自问筷子功都唔差，不过连夹两次个皮都差一点要穿。第一次食鸡肉馅，比猪肉冇咁浓味，感觉较为清淡健康，但个人依然都系钟意猪肉多少少，不过鸡肉馅咁新颖嘅都值得一试。至于甜品驴打滚，睇个名都唔系好知系乜嘢嚟。不过睇幅相大概系一啲糯米兹沾满左芝麻花生碎。估唔到佢𠮶个糯米皮都做得好软熟，而且每层糯米皮中间都涂上一层花生酱，好有心思。至于芝麻炒得好香脆可口，连埋花生同糖一起吃，都几好味。略嫌糖嘅份量稍多，如果可以减半嚟就刚刚好啦。