影片
更多
2018-04-04
243 浏览
作为一名打工仔，难得星期五下午可以放假，都想食番一餐好既，满足一下自己个胃（然后腰围继续增长。。。。。。）。搜寻到公司附近有间新开既西餐，食西班牙菜，即刻拎手袋拿拿林出发！去到餐厅门口，见到餐厅情调有D浪漫，谂紧我一个女仔入去食，会唔会有D格格不入。。。。。。好彩，望多两望，见到有一家大细食紧野（点解小朋友唔使返学既？！），又见到有一班朋友聚餐咁，我先觉得自己一个食无咁奇怪，睇黎呢间餐厅应该适合一家大细食，又适合朋友聚会咁，不过唔知适唔适合一个人去食呢。。。。。。不过，我系门口等左好耐都未见有职员出黎带位安排入座（但系明明餐厅里面仲有空位的。。。。。。），我都唔知应该继续等落去定系自己行入去坐低好。终于等到有职员带位入座，坐低即刻睇睇个午餐餐牌。我选择左食一个简单既海鲜橄榄油蒜蓉煮意粉，头盘系沙律加南瓜汤，沙律里面混合左几种唔同种类既沙律菜（包括我最爱既火箭菜！），加埋适量既水果，酸酸地，几开胃。南瓜汤都几浓郁，份量适中，因为佢味道都几浓厚，如果太大碗，反而会饮汤都饮饱左，一阵主菜都未食就已经无胃口。一份浓郁既汤，配一份清新带有酸味既沙律，感觉都唔错。我既主菜系海鲜橄榄油蒜蓉煮意粉。由
搜寻到公司附近有间新开既西餐，食西班牙菜，即刻拎手袋拿拿林出发！
去到餐厅门口，见到餐厅情调有D浪漫，谂紧我一个女仔入去食，会唔会有D格格不入。。。。。。好彩，望多两望，见到有一家大细食紧野（点解小朋友唔使返学既？！），又见到有一班朋友聚餐咁，我先觉得自己一个食无咁奇怪，睇黎呢间餐厅应该适合一家大细食，又适合朋友聚会咁，不过唔知适唔适合一个人去食呢。。。。。。不过，我系门口等左好耐都未见有职员出黎带位安排入座（但系明明餐厅里面仲有空位的。。。。。。），我都唔知应该继续等落去定系自己行入去坐低好。
终于等到有职员带位入座，坐低即刻睇睇个午餐餐牌。
我选择左食一个简单既海鲜橄榄油蒜蓉煮意粉，头盘系沙律加南瓜汤，沙律里面混合左几种唔同种类既沙律菜（包括我最爱既火箭菜！），加埋适量既水果，酸酸地，几开胃。南瓜汤都几浓郁，份量适中，因为佢味道都几浓厚，如果太大碗，反而会饮汤都饮饱左，一阵主菜都未食就已经无胃口。
一份浓郁既汤，配一份清新带有酸味既沙律，感觉都唔错。
我既主菜系海鲜橄榄油蒜蓉煮意粉。由于我病病地无咩胃口，仲特别要求左减少意粉既份量。全部既蚬都好新鲜，轻轻调味过之后，咬落去就有一阵天然既咸味涌出黎，其实咁新鲜既蚬，只要厨师用适当既方法带出佢既鲜味，已经好好味。意粉亦都软硬适中，橄榄油唔会多到好似油浸沙甸鱼咁。
转个头，见到一个著厨房制服既职员行去我张枱，我惊一惊，以为咩事，原来系大厨出黎问下我对食物有咩意见，好少见有餐厅咁有心。
不过，唯一美中不足既系，员工服务态度好似唔系咁理想，等带位入座都等左一段时间，如果餐厅当时系满座，咁我等下都无所谓，但系明明我去到𠮶时都唔系繁忙时间，企正正系门口咁耐都无人理我，咁又真系有D说不过去。入左座写单之后，全程都无员工走近过我张枱，仲黑晒我面扮见我唔到，其实，我只系想话。。。。。。你地唔记得放低瓶水俾我呀，我饮完台面杯水之后仲系好口渴呀。
最后埋单睇一睇，都只系100几蚊，就食到我肚满肠肥lamlam脷
I’ll be back! 午餐既野食都已经好好味，下次我一定会再黎食晚餐 ！
（点解一张相都无呢。。。。。。就系因为挂住食，连港女指定动作“相机先食”都唔记得左咯。。。。。。 ）
张贴