影片
更多
2024-07-21
628 浏览
瀛丰放题料理专门店 Eihou Ryouri📍铜锣湾骆克道491-499号京都广场3楼爱觅食嘅好友又带我去食好嘢，食今年第一餐放题。我呢位朋友果然眼光独到，拣咗间地点方便、款式多元、质素有保证嘅放题专门店，同我庆祝生日。瀛丰提供接近200款港式、日式同泰式美食，如其名一样丰盛。我哋喺星期六6点前入座，人头唔洗$250，加上订位有88折优惠，可以豪啲加$148追加海鲜拼盘、任食海胆带子同任饮啤酒，非常超值！多谢好友悉心安排，用餐2个钟头完全无静落嚟嘅时候，食得好开心！ 💰$239/一人晚市放题 🍽️我十分推介大家俾多$148追加享用每件$28嘅任食海胆带子同价值$388嘅海鲜拼盘！唔好以为用咁平嘅价钱加配，质素一定唔荒好，事实系餐厅用心选材，海鲜新鲜上乘，而且摆盘精美，完全物超所值！海胆带子 🐚每只带子都相当厚肉，肉质软嫩带点爽口，中间夹满鲜甜甘香嘅海胆，呢个咁新颖嘅配搭，令人一食爱上！海鲜拼盘 🍱拼盘提供六款鲜美食材，当中最吸睛嘅一定系鱼子酱同长蟹脚。鱼子酱带淡淡嘅咸味，粒粒饱满，口感细腻富层次；长蟹脚则清甜富蟹香，两者同样滋味。虽然拼盘嘅presentation真系好靓好特别，但大家记
📍铜锣湾骆克道491-499号京都广场3楼
爱觅食嘅好友又带我去食好嘢，食今年第一餐放题。我呢位朋友果然眼光独到，拣咗间地点方便、款式多元、质素有保证嘅放题专门店，同我庆祝生日。瀛丰提供接近200款港式、日式同泰式美食，如其名一样丰盛。
我哋喺星期六6点前入座，人头唔洗$250，加上订位有88折优惠，可以豪啲加$148追加海鲜拼盘、任食海胆带子同任饮啤酒，非常超值！多谢好友悉心安排，用餐2个钟头完全无静落嚟嘅时候，食得好开心！
[价钱 Price]
💰$239/一人
晚市放题 🍽️
我十分推介大家俾多$148追加享用每件$28嘅任食海胆带子同价值$388嘅海鲜拼盘！唔好以为用咁平嘅价钱加配，质素一定唔荒好，事实系餐厅用心选材，海鲜新鲜上乘，而且摆盘精美，完全物超所值！
海胆带子 🐚
每只带子都相当厚肉，肉质软嫩带点爽口，中间夹满鲜甜甘香嘅海胆，呢个咁新颖嘅配搭，令人一食爱上！
海鲜拼盘 🍱
拼盘提供六款鲜美食材，当中最吸睛嘅一定系鱼子酱同长蟹脚。鱼子酱带淡淡嘅咸味，粒粒饱满，口感细腻富层次；长蟹脚则清甜富蟹香，两者同样滋味。虽然拼盘嘅presentation真系好靓好特别，但大家记得唔好挂住打卡，否则啲冰溶得太快，就会水浸成河，浸湿啲食物，要小心留意！
寿司及刺身 🍣
多款美食当前，胃口比较细嘅我只系点选咗4款口味嘅花之恋试试。分别有一般普通口味、龙虾沙律口味、蟹肉沙律口味同双色拖罗蓉口味。我自己觉得四款口味各有千秋，共通点就系好味，反正份量细细，大家不妨一次过点晒四款！
餐厅提供多达12款刺身，款款都鲜味十足。最得我欢心嘅非三文鱼腩莫属，厚切嘅三文鱼富有油香，口感味道比一般三文鱼丰富，带皮位置鱼脂更丰厚，满足感爆棚！
松叶蟹杯 🦀
小小一杯装满寿司饭、蟹膏、蟹肉同蟹籽，可一次过品味松叶蟹各个部位，又唔怕会太饱肚，真系正！
张贴
