影片
更多
2022-07-13
428 浏览
呢间鮨铠一开张就想试，今日终于一尝所愿。朋友一早book定位，幸好位置方便易揾可准时入座。一入门就可见一排长枱可同时坐10-12人，干净企理，简单明亮感觉舒适。花仔（经理）好快安排我们坐好，拣定当日价 目最贵嘅Omakase (一路食一路觉得物超所值），海师傅再细心问我们有什么食物唔啱食之余，就顺路拣埋sake杯然后就开动等食mode！（点知拣杯都拣咗好耐，因为好多靓杯拣....好colourful 又够stylish，最终拣咗只富士山形石杯。）第一道上嘅系三文鱼子海鲜茶碗蒸，虽然望落去好平凡，但加上咸鲜嘅鱼子和蟹肉还有滑dodo嘅蒸旦，实在令人胃口大开。第二道系肥美嘅肥美生蚝，经过慢煮蚝味估唔到咁更加突出。跟住有海胆鱿鱼，调出嚟嘅酱汁够鲜甜加上一嚿仔白饭捞埋嚟食冇浪费。后有火炙帆立贝....大大粒烧好后即时包上脆卜卜嘅紫菜，内软外脆，一口都食唔晒要分2啖嚟食。跟住因为同行朋友喜欢热食，海师传特备一系烈熟食给他（我顺路都替佢分担吓）。师傅先做了一份烧木火鱼，这份烧鱼烤得皮脆肉嫩；再来一份鲍鱼拼鲍鱼肝酱，肝酱甘甜不腻，加上鲍鱼嫩弹口感，一道又一道的佳肴绝配原来未到极致，估唔到熟食都咁出色
一入门就可见一排长枱可同时坐10-12人，干净企理，简单明亮感觉舒适。花仔（经理）好快安排我们坐好，拣定当日价 目最贵嘅Omakase (一路食一路觉得物超所值），海师傅再细心问我们有什么食物唔啱食之余，就顺路拣埋sake杯然后就开动等食mode！（点知拣杯都拣咗好耐，因为好多靓杯拣....好colourful 又够stylish，最终拣咗只富士山形石杯。）
第一道上嘅系三文鱼子海鲜茶碗蒸，虽然望落去好平凡，但加上咸鲜嘅鱼子和蟹肉还有滑dodo嘅蒸旦，实在令人胃口大开。第二道系肥美嘅肥美生蚝，经过慢煮蚝味估唔到咁更加突出。跟住有海胆鱿鱼，调出嚟嘅酱汁够鲜甜加上一嚿仔白饭捞埋嚟食冇浪费。后有火炙帆立贝....大大粒烧好后即时包上脆卜卜嘅紫菜，内软外脆，一口都食唔晒要分2啖嚟食。跟住因为同行朋友喜欢热食，海师传特备一系烈熟食给他（我顺路都替佢分担吓）。师傅先做了一份烧木火鱼，这份烧鱼烤得皮脆肉嫩；再来一份鲍鱼拼鲍鱼肝酱，肝酱甘甜不腻，加上鲍鱼嫩弹口感，一道又一道的佳肴绝配原来未到极致，估唔到熟食都咁出色。
之后有吞拿鱼面珠登，扲贵的食材烧得油香极重，食下去以为食紧牛肉，肉味香浓回味无穷。金目鲷用火小炙鱼皮，鱼肉仍是一样的鲜。还有熟成拖罗和啱时节嘅白海胆（想食原只嘅紫海胆，但始终未到季节，海师傅落重本放足成只手指咁长嘅海胆做军舰以暂解我们相思之苦。），每样好像细细件，份量真系不容轻视，加上师傅自制嘅甜姜、蒜头... 不间场提供，呢刻已经好满足。🐷
三文鱼很久不在我啲menu里，感觉都唔多系Omakase 枱上出现，但这个下午遇上“时不知鲑”，名字源由牠的习惯，不知道何时回的鲑鱼走不回家了（感觉名字很凄美...凄惨得嚟我哋食得好美味🤭）。只有这个多月时间才能遇上的时不知鲑，脂油香口感很重，并不是那些三文鱼腩的肥味，是日encore之作。
龙虾现在相对系比较普遍的食材，但配上精美色彩缤纷嘅器具，又突然升价10倍，令食生生色不少，色香味俱全。
我最期待的是海师傅自家制的酱油蟹。除咗去韩国我够胆食生蟹外，未有再系其他地方尝食。直到发现这里特制的酱油蟹，除咗2因为海蟹系海师傅专程由日本入口为一保证外，还有他细心挑选腌制保证品质安全下才提供。酱油蟹咸鲜适中，蟹肉还保持了弹性和juicy，口感不似韩式的酱油蟹那样软身似mosses的质地，很令人感到惊喜，果然没有失望。
整个下午在笑声中渡过，不单海师傅用心制作，还有同场另一位大师一边制膳一边说笑，在场的每位食客都被他哄得开怀。不得不赞花仔和另一位靓靓侍应，整邨午餐都照顾周到，适时添酒，遇上我不明白的地方（每款食材都有不同名字和特式，师传专注制作），他们都会解答很窝心。
最后当然少不了一份甜点 ..... 绿茶奶冻大大粒红豆拼上朱古力流心窝夫仔，大大粒粉绵红豆放上片片金簿尽显平凡中的不平凡。
食物固然系重点之作，但餐厅环境衞生更系重中之重。好多时外表几好，都系会系厕所嘅整洁度。一餐咁长，总有需要，鮨铠另一值得一赞嘅系洗手间的清洁度，简直要俾个like。在疫情下，最需要自动操作，唔使掂到就最好。呢度入洗手间，块厕板都系自动打开㗎！感觉宜系干净得多，超赞！👍
工作忙碌一星期，星期天的下午更系要轻轻松松的食餐好又坐得舒服。最怕赶头赶命又要俾人限时限刻清枱埋单，有唔少Omakase连lunch 都分上下场，俾人赶到冇心机，系鮨铠就冇咁嘅忧虑。🌻
这天遇上这一餐，真的十大满足，已跟朋友约定下一餐，期待海师傅佳作！💕
张贴