影片
更多
2012-05-23
2536 浏览
因为见咁多好评，就去试下。去到大街揾唔到路上去，再打去问，职员话o系巨记隔离楼梯上去。一上去见到门面就觉得唔对路，因为清洁水准未达日本人既水平。特登打电话订左位，女侍应话人多要坐吧台，点知上到去只得一半客人大约8台人。但咁少人，但地方嘈到爆，零吸音。短发女侍应语气态度冇问题但既招呼绝不殷勤，好似好赶我好阻佢时间咁，问多句都答唔到。有本日文menu，但只得另外一份2版既中文menu，系唔齐，无印晒d菜式。小人只略懂日文，有d菜式都唔太肯定，大约向女侍应问左5-6个菜，但女侍应好似我阻住佢咁，赶住走。只落左几样菜，我揭多一页menu想再落多d，佢就赶住走左，但当时系唔爆，又有其他侍应。结果唔好话我想逐样问系咩想试菜，我连落单都落左3次先齐，每次女侍应都赶住走。d食物黎到，好失望，大部份食物都唔够味。一，无本身既肉味。二，好似无落盐咁。高野豆腐 普通串烧鸡皮 本身好喜欢食鸡皮，但呢度烧到柴皮咁，冇晒油份，又薄又干。三文鱼寿司、三文鱼子寿司 寿司质素just ok，唔值呢个价钱，2件收我HK$100，未去到收几十蚊既级数，唔驶试。薄烧牛肉 差d揾唔到块牛肉，劲细块，无肉味，亦无味，食左好似无食
去到大街揾唔到路上去，再打去问，职员话o系巨记隔离楼梯上去。
一上去见到门面就觉得唔对路，因为清洁水准未达日本人既水平。
特登打电话订左位，女侍应话人多要坐吧台，点知上到去只得一半客人大约8台人。
但咁少人，但地方嘈到爆，零吸音。
短发女侍应语气态度冇问题但既招呼绝不殷勤，好似好赶我好阻佢时间咁，问多句都答唔到。
有本日文menu，但只得另外一份2版既中文menu，系唔齐，无印晒d菜式。小人只略懂日文，有d菜式都唔太肯定，大约向女侍应问左5-6个菜，但女侍应好似我阻住佢咁，赶住走。
只落左几样菜，我揭多一页menu想再落多d，佢就赶住走左，但当时系唔爆，又有其他侍应。
结果唔好话我想逐样问系咩想试菜，我连落单都落左3次先齐，每次女侍应都赶住走。
d食物黎到，好失望，大部份食物都唔够味。
一，无本身既肉味。二，好似无落盐咁。
高野豆腐
普通
串烧鸡皮
本身好喜欢食鸡皮，但呢度烧到柴皮咁，冇晒油份，又薄又干。
三文鱼寿司、三文鱼子寿司
寿司质素just ok，唔值呢个价钱，2件收我HK$100，未去到收几十蚊既级数，唔驶试。
薄烧牛肉
差d揾唔到块牛肉，劲细块，无肉味，亦无味，食左好似无食咁，d菜丝就大堆头。
烧明太子 烧得太干，干争争，唔得。
烧鸡软骨 烧鸡软骨好难煮得难食，但呢串系完全无味。唔脆无乜油份无味。
天妇罗拼盆 全晚最ok的食物，但都不是高水准水平，都系o个句，唔够味。
烧鸡翼 鸡翼明显有雪味，都唔好讲肉味，又系好似无落盐咁。
问女侍应有咩啤酒，又系好赶咁话Asahi, Sapporo同另一种。我要Sapporo佢匆匆走左，3分钟后走返黎问我要边支，佢唔记得左。
全晚最掂，系呢支Sapporo啤酒。
埋单over $840！！完全唔抵。超唔掂既一餐，呢个价钱，香港咁多正宗居酒居及串烧店，食物好服务好环境好，唔需要拣呢间。
张贴
