影片
更多
2016-04-11
662 浏览
老公话想打边炉, 见到呢间焖锅几得意, 又可以锅两食, 见openrice咁多个笑评就去试下啦!当我想推门入去时, 见到好多简体字, 有少少想缩沙, 不过就当时都8点半, 再谂真系好晏都未有得食, 我又已经饿, 所以入就入啦!我地被安排坐到卡位, 侍应好好咁走埋嚟介绍, 大概有十款焖锅拣, 有鱼, 海鲜, 鸡, 牛, 猪, 素同自选…张相都几大个锅, 我谂两个人食完都饱, 仲点一锅两食?老公钟意食鸡, 所以我地叫左三皇鸡, 少麻辣, 另外仲有全鸡比或鸡翼锅…等咗5分钟左右, 侍应就拎咗三盒嘢嚟, 准备开锅!布好哂, 再焖咗成15分钟先加汁, 佢地个秘制酱汁个质感好奇怪, 系杰得嚟点打都唔会断开…好神奇!搞咗成25分钟先有得食, 鸡都几滑但冇鸡味, 不过唔知系咪佢抽起哂D鸡比同鸡翼去整另一个锅, 个锅系得D头尾同鸡胸, $246真系揾笨! 而个味道系甜甜辣辣, 同平时食开𠮶D麻辣鸡煲好唔同, 我地两个都觉得个锅贵得嚟唔值, 饱系饱, 不过食鸡煲冇鸡比同鸡翼真系好嬲啰!另外纸仔餐牌系加火锅料, 我地叫咗个皇帝菜同埋爆浓芝士丸个芝士丸真系不得不提, 第一次食到芝士丸系甜嘅!!!! 好难食!!
当我想推门入去时, 见到好多简体字, 有少少想缩沙, 不过就当时都8点半, 再谂真系好晏都未有得食, 我又已经饿, 所以入就入啦!
我地被安排坐到卡位, 侍应好好咁走埋嚟介绍, 大概有十款焖锅拣, 有鱼, 海鲜, 鸡, 牛, 猪, 素同自选…张相都几大个锅, 我谂两个人食完都饱, 仲点一锅两食?
老公钟意食鸡, 所以我地叫左三皇鸡, 少麻辣, 另外仲有全鸡比或鸡翼锅…等咗5分钟左右, 侍应就拎咗三盒嘢嚟, 准备开锅!
布好哂, 再焖咗成15分钟先加汁, 佢地个秘制酱汁个质感好奇怪, 系杰得嚟点打都唔会断开…好神奇!
搞咗成25分钟先有得食, 鸡都几滑但冇鸡味, 不过唔知系咪佢抽起哂D鸡比同鸡翼去整另一个锅, 个锅系得D头尾同鸡胸, $246真系揾笨! 而个味道系甜甜辣辣, 同平时食开𠮶D麻辣鸡煲好唔同, 我地两个都觉得个锅贵得嚟唔值, 饱系饱, 不过食鸡煲冇鸡比同鸡翼真系好嬲啰!
另外纸仔餐牌系加火锅料, 我地叫咗个皇帝菜同埋爆浓芝士丸
个芝士丸真系不得不提, 第一次食到芝士丸系甜嘅!!!! 好难食!!! 我地两个都顶唔顺 “jit” 哂个堆所谓嘅芝士净系食个皮…真系比佢KO左! 只此一次!!!
张贴
