雲壽司 (聯成商業中心) (已結業)

突然好想食寿司，路过铜锣湾呢间云寿司就决定买下外卖黎食，叫左十件装好精美既特上寿司拼盘Deluxe sushi platter，摆盘精致，筷子都好靓，豉油更用小樽装好，店铺入面有几位厨师，餐厅内主要系bar枱，我买既十件寿司包括：吞拿鱼腩肥美又唔太多筋，好淋，虽然未算入口即溶甘但都好好味，深海池鱼肉质鲜嫩脂厚油香，牡丹虾虾肉香甜，弹牙，赤贝橙红色肉质爽口，鲜味十足，海胆好足料质感细腻，三文鱼籽鱼籽大大粒晶莹剔透，火炙左口鱼边炙烧后口感入口即溶，鲭鱼，碎葱吞拿鱼腩及鲂鱼弗等寿司。