影片
更多
2024-10-29
317 浏览
Weekend喺IFC行完街，想揾间餐厅dinner。过咗桥喺恒生总行落嚟，见到有间西餐厅做特价，原价$1288嘅二人餐只系$699，就入去试吓。“红馆 RaRe Restaurant”后来先知呢间法国餐厅，系由一个蓝带厨师主理，就更加要试吓佢手势。二人餐($1288 -> $699)，由6个course组成。每个course都可能有嘢拣，或者加钱升级菜式。但要注意嘅系，佢所有course都系打孖上。即系每位都有一个full 6 course，所以份量系相当唔少。巴马火腿蜜瓜沙律 - 份量唔细嘅沙律，parma ham同黑醋火箭菜几夹，欣赏佢仲有啲车厘茄。蘑菇汤 - 菇味好够，但同时有相当多嘅忌廉味，有点颗粒感。低温慢煮鸡胸冬阴功扁意粉 - 外表好似平凡，但系其实非常好食。首先佢嘅鸡胸系非常软腍，一啲鞋嘅感觉都冇。最重要系冬阴功嘅味道，唔呛唔辣，亦都冇非必要嘅配菜(唔会立乱加洋葱青椒)。而最出色嘅地方系收汁，令到意粉好入味，甚至比好多西式意粉优胜。红馆姜母鸭 - 用上原只鸭腿，同一般油封鸭相比，皮更脆肉更嫩，有少少似明炉烧味嘅烧鸭，加上可以点嘅果酱，食落去会觉得好新鲜满足。摩洛
过咗桥喺恒生总行落嚟，见到有间西餐厅做特价，原价$1288嘅二人餐只系$699，就入去试吓。
“红馆 RaRe Restaurant”
后来先知呢间法国餐厅，系由一个蓝带厨师主理，就更加要试吓佢手势。
二人餐($1288 -> $699)，由6个course组成。每个course都可能有嘢拣，或者加钱升级菜式。但要注意嘅系，佢所有course都系打孖上。即系每位都有一个full 6 course，所以份量系相当唔少。
巴马火腿蜜瓜沙律 - 份量唔细嘅沙律，parma ham同黑醋火箭菜几夹，欣赏佢仲有啲车厘茄。
蘑菇汤 - 菇味好够，但同时有相当多嘅忌廉味，有点颗粒感。
低温慢煮鸡胸冬阴功扁意粉 - 外表好似平凡，但系其实非常好食。首先佢嘅鸡胸系非常软腍，一啲鞋嘅感觉都冇。最重要系冬阴功嘅味道，唔呛唔辣，亦都冇非必要嘅配菜(唔会立乱加洋葱青椒)。而最出色嘅地方系收汁，令到意粉好入味，甚至比好多西式意粉优胜。
红馆姜母鸭 - 用上原只鸭腿，同一般油封鸭相比，皮更脆肉更嫩，有少少似明炉烧味嘅烧鸭，加上可以点嘅果酱，食落去会觉得好新鲜满足。
摩洛哥烩羊肉 (set+$48) 称之为stew，所以第一个条件系一定要够腍，而佢都做得好好。将羊肉加埋其他配菜一齐食，调味充足，食落同样地好满足。
甜品
有“芝士鲜果挞”同”芒果拿破仑”。芝士鲜果挞嘅芝士味配埋甜甜嘅提子一啖食落去好开心。芒果拿破仑嘅芒果亦都够甜，拿破仑亦够脆。
Coffee or Tea
除咗一般嘅咖啡或茶，佢可以唔需要加钱配Cappuccino，latte或者Earl grey tea。如果冲茶，佢会连茶壶上，另外Cappuccino亦整得唔错。
$699二人，就有6个full course。有啲菜式，特别系冬阴功意粉，甚有质素，个人觉得几值。
张贴
