Vibes the place (已結業)

西环向来有唔少别具特色嘅cafe, 呢间Vibes the place就系其中之一。好多时候去cafe都只系想揾个地方悠闲咁睇下书，饮杯咖啡，所以cafe嘅环境有时候甚至比食物嘅味道更为重要。刚踏入呢间Vibes the place就比佢清新而又温暖嘅风格吸引——Cafe嘅装修以棕色嘅木调为主，四周都放满左干花同颂钵，店里放著柔和嘅英文老歌，整体感觉静宁而又舒服。由于当日下午我另外订左餐厅，所以只系点左一杯matcha latte （$50），同朋友慢慢坐下，吹下水。如果单说matcha latte嘅味道嘅话，其实并唔算特别出色——抹茶味唔算突出，饮落有淡淡嘅草青味；但cafe 将心灵治疗嘅元素融入饮食当中，为整个用餐体验增添唔少趣味。店舖四周摆放左一啲颂钵供客人使用，将咖啡放入颂钵中，默念自己嘅心愿，然后敲响颂钵，据说能将正能量注入咖啡中，令其味道变得不一样🤣我自己系试唔出明显嘅变化，但朋友就话的确系好饮左，总括黎讲都系一个几新鲜嘅体验。