影片
更多
2024-04-29
980 浏览
好多人话，食嚟食去，屋企饭最好味，因为永远会食得出妈妈嘅用心。如果出街食，又点样知道厨师有冇用心呢？我谂最简单就系睇佢嘅笑容。食Omakase 既时候，好多师傅都会讲解下食材，但系讲讲下笑出黎，真情流露我都系第一次见。 🍖讲紧嘅就系油坊住呢条鱼，喺我食六件寿司嘅最后一件。师傅话哩条系好大条既鱼，佢地系成条买返嚟，自己切割，我问佢地系咪会切俾客人睇，佢自豪咁话会啊，而且每次个个都举起哂手机，仲好高兴咁叫同事攞个 I pad俾我睇下之前的相，相入两位师傅攞住条鱼，笑到见牙唔见眼，我谂就系呢种对自己工作嘅喜爱，就睇得出佢嘅用心。件寿司的确相当好味，肉质爽脆，又有油香，师傅仲特别系上面加炸蒜，用酥脆对比增加客人对鱼肉口感嘅体会。另一件好特别嘅寿司系骨胶原鲷鱼，原来条鱼真系食骨胶原长大，讲真望落真系几水润，肉质又真系好Q弹顺滑，身价一定不霏。仲有右口鱼，如果唔问真系唔识，原来右口大条d，而且冇鳞，口感滑好多，左口就一般做薄切为主，而且今次仲加入右口鱼肝，令到成件寿司特别香，更加细滑。 🍖刺身方便，有时候会觉得一片片嘅刺身，总系会同寿司相类似，变左越食越混乱d口味。今次嘅刺身就好唔同，渍左既吞拿鱼
🍖讲紧嘅就系油坊住呢条鱼，喺我食六件寿司嘅最后一件。师傅话哩条系好大条既鱼，佢地系成条买返嚟，自己切割，我问佢地系咪会切俾客人睇，佢自豪咁话会啊，而且每次个个都举起哂手机，仲好高兴咁叫同事攞个 I pad俾我睇下之前的相，相入两位师傅攞住条鱼，笑到见牙唔见眼，我谂就系呢种对自己工作嘅喜爱，就睇得出佢嘅用心。件寿司的确相当好味，肉质爽脆，又有油香，师傅仲特别系上面加炸蒜，用酥脆对比增加客人对鱼肉口感嘅体会。另一件好特别嘅寿司系骨胶原鲷鱼，原来条鱼真系食骨胶原长大，讲真望落真系几水润，肉质又真系好Q弹顺滑，身价一定不霏。仲有右口鱼，如果唔问真系唔识，原来右口大条d，而且冇鳞，口感滑好多，左口就一般做薄切为主，而且今次仲加入右口鱼肝，令到成件寿司特别香，更加细滑。
🍖刺身方便，有时候会觉得一片片嘅刺身，总系会同寿司相类似，变左越食越混乱d口味。今次嘅刺身就好唔同，渍左既吞拿鱼切粒，加山芋蓉，龙虾起肉，加入海胆同鱼子，原条荧光海贼，同埋最好味既华连生蚝。四种嘅姿态都好唔同，令到刺身同寿司层次分明。
特别讲下呢种生蚝，肉质结实爽脆，以前食过有d生蚝，d肉太林身，唯有夹硬话creamy，有时有啲大少不一，自己食着歪d果只感觉又会不爽。华连之所以喺日本一，就系因为佢完全唔会有以上嘅问题，只只大小均匀，肉质真系好爽，唔需要有太重海水味，反而加少少醋汁，已经带出佢既鲜味。
🍖最后系海胆饭同埋吞拿鱼蓉手卷。其实佢可以分成两种手卷出，不过海胆放饭碗入边，影相就靓好多，而且个紫菜可以由客人自己决定点样配合。吞拿鱼蓉手卷就超足料，由于吞拿鱼蓉同饭都系打横铺喺紫菜上面，变成由头到尾都可以食到吞拿鱼蓉，而上面仲加左天妇罗脆脆，又系一个对比式去升华个口感嘅好例子。
🍺配搭瀬祭三角九分，呢餐系满足，长知识，同埋感受用心既一餐。
张贴
