一口和味 (已結業)

路经元朗去试试新开的「一口和味」先点了最爱的炸芝士年糕，廿蚊三粒， 咬开芝士可以拉长架！之前见过最抵系机场「宝太郎」，好似都要廿七、八蚊三粒！望下餐牌见到有烧带子，十五蚊有两粒立即点，劲抵！最赞系羊架冇骚味，我平时食放题都好少食，「一口和味」整得唔错！不得不提系烧免治鸡肉串，我钟意个汁仲要有咬口，因为佢混和左鸡软骨！最后系招牌炸雪糕，十五蚊三粒！好似抽到芝麻同芒果味！觉得几特别因为我未食过 不过如果外面再热少少营造到强烈对比就好！( 我都知我地麻烦，太热可能会烫伤口 )P.S 职员好贴心咁最后先上 唔怕入面雪糕溶晒！加分！