黑門水產すいさん (棉登徑)

营业中

休息中

上网见人介绍呢间餐厅出名食甲罗烧，慕名而来睇下味道如何，估唔到无介绍错，食物新鲜而且味道不错，另外环境好有气氛，天花板挂满贝壳、灯笼，墙上贴咗好多日本风情画作，有种去咗日本嘅感觉。我地唔系点咗好多嘢食，但全部都好满意，特别系个黑门令 极黑鲍海鲜太卷。佢啲料仲多过旧饭，无可能一啖放得哂入口（可能我嘴细），啲料唔系普通材料，而系有鲍鱼、三文鱼、呑拿鱼、虾八爪鱼、玉子，好鬼满足，好满意呢个卷！之后大家都有介绍嘅 甲罗烧，食得出同平时嘅有啲唔同，我拣咗有海胆个款，食到有鲜味，无死咸味，佢啲蟹籽烧完仲脆卜卜。落单个阵店员仲话佢地嘅串烧好食，就信佢叫咗3条，分别系烧豚肉芦笋卷、烧牛肉金菇卷、烧鸡颈肉，佢用嘅烧烤酱汁好惹味。