尚苑京滬川菜 (已改名) 查看

突然心血来潮想食中菜，呢间环境干净企理，一入去仲有个大大鱼缸，楼面服务唔错，立即好感度上升。新鲜菠萝拔丝咕噜肉$88 - 非常贴心，菠萝冇连咕噜肉一齐炒，刚好中和咗油腻嘅感觉，甜酸度适中，推👍🏻葱油饼$48 - 咬落香脆，脆略嫌皮厚咗啲，不过不失，不过外型帮佢加分啦。金华火腿扒津白$148 - 非常清甜新鲜、大大片嘅金华火腿，有惊喜！头抽干炒牛肉河粉$108 - 值得一赞唔会过咸、大大片嘅牛肉、肉质嫩滑。最后嗌埋个甜品高力豆沙$58 - 咬落口感似疏乎厘、豆沙唔会过甜，值得一试👍🏻