Thai Ros Zab

营业中

休息中

有时食茶餐厅食到厌倦，但系又唔知食咩好，所以选择咗呢一间。近排佢做咗个晚饭套餐系列，包杯饮品，所以我同我老公就叫咗两个餐加一碟菜。我老公必食海南鸡饭，因为佢嘅鸡冇骨又滑，佢话𠮶碟酱汁酸味味有泰国风味，加上鸡油饭，成个餐系唔错嘅。饮品点左龙眼冰，饮落去唔算太甜，有龙眼味。而我今次试新嘢，叫咗个青咖哩猪饭。青咖喱汁属微辣，里面有香料又有辣椒，但香料味道唔太突出，最不足嘅地方系佢嘅猪系几块白灼嘅薄猪片，最后我主要系用青咖哩汁捞饭。饮品方面，我点咗珍多冰，饮落去有椰汁味，但成杯嘢落大半杯冰，所以冻到饮唔到。而佢𠮶个泰式炒通菜无咩特别，属正常，份量算少。