神燈海鮮酒家 (18廣場)

营业中

休息中

星期日晚饭时间黎到佐敦呢一间酒家，假日时间都比较多人，好彩一早订枱又早到，所以有卡位坐😊。点了普洱茶（$15/位），侍应递上了香口餐前小食琥珀合桃（$25）🐖 ¼只烧乳猪 $259烧乳猪外皮脆卜卜，已清理脂肪层，感觉相对健康，系肥瘦适中嘅啖啖肉😄。🍍鲜凤梨咕噜肉 $118带酸味多个甜味嘅一道菜，咕噜肉炸粉份量恰好，外脆内软，连埋菠萝一齐食酸酸甜甜非常开胃。🍤星洲麦皮虾 $248共有六只开边大虾，啱晒我呢啲懒剥虾壳嘅人，整碟舖满爽身嘅麦皮和少量蒜香，非常香口惹味。🐷有米佬猪手 （需时30分钟）$298呢道系必点菜式，剩系卖相都有别于一般的猪手，满满嘅香脆米通加埋肉质嫩、滑爽口嘅猪手一齐食十分特别。米通比较轻身，比起传统蒸炒嘅烹调方法冇咁饱滞。好开心临走前有糖水送😋「桃胶红枣雪耳糖水」，整碗糖水都充满啫喱、胶质，感觉很滋补养颜😊，冻冻地啱晒而家夏天饮用，食完甜品之后成餐饭都感觉圆满。