香港鴻興隆中華菜館 (已結業)

同长辈食饭都会拣啲中式餐厅，但系传统中式嘅餐厅，食嚟食去都系𠮶几道菜，今日带佢哋去食一间较有特色嘅中式餐厅，食下唔同嘅做法！鱼香肉丝～ 上枱已经充满香味，证明厨房师傅镬气非常足， 肉丝非常之软滑， 配埋青椒等佐料， 非常之惹味！勃然肥牛～ 勃然粉系比较浓味嘅香料 ，加上京葱洋葱等，真系非常好送饭！滑蛋炒虾仁～ 见到啲虾大大只 ，加埋香滑嘅炒蛋，仲有葱花嘅独特香味，系可以将家庭小菜演绎到极致！扬州炒饭～ 炒饭都依然用大大只虾，非常之弹牙，见到炒饭粒粒分明，又一次印证大厨嘅技艺非凡！其实仲有好多唔同嘅特色 item想叫， 不过眼阔肚窄，唯有下次再嚟啦！