影片
更多
2024-05-18
67 浏览
💁♀️💁♂️ 10/05/2024(Fri), Dinner💁A先生近排喺网上睇咗唔少嘅内地片段介绍四川嘅特色冒菜，觉得都几吸引，咁啱原来💁A先生公司附近就有得食，一于放工揾埋💁♀️为食妙妙过嚟一齐食完先返屋企。餐厅位于一座大厦嘅25楼，位处高层所以坐近窗边嘅客人都可以望到附近嘅楼景。内里装修精致，入口处旁边有条好似时光隧道咁嘅打卡位置，座位都安排得好阔落，坐得好舒服。而今晚我地order咗：🔆 吉祥套餐（$66） 为食妙妙就拣咗潮汕手搥牛肉丸、潮汕蒜香墨鱼🦑丸、滑牛肉、猪大肠、牛黄喉同贵州丁家脆哨，跟米线同贵州臭豆豉辣汤(小辣)。先试试汤底呢个贵州臭豆豉辣汤味道都几特别，辣🥵之中带一点臭豆豉独特嘅味道，虽然个名叫臭豆豉，但其实一啲都唔臭，个味仲几吸引㖭！潮汕手搥牛肉丸嘅咬落去弹牙而牛肉味浓，食落都仲有肉汁；墨鱼丸食落好足料弹牙，唔会太多粉无晒墨鱼味；牛肉嫩滑；而猪大肠切得都几大件又入味；牛黄喉食落爽口；脆哨就系贵阳嘅地方小食，系用肉粒腌制后炸成，餐厅另外用一只小碟装住脆哨上枱，咁就唔怕被汤浸住影响口感。先试试唔浸汤就咁食，口感香脆咸香，之后浸一阵汤再食就吸收咗汤嘅味道，又系另一种滋味
💁♀️💁♂️ 10/05/2024(Fri), Dinner
💁A先生近排喺网上睇咗唔少嘅内地片段介绍四川嘅特色冒菜，觉得都几吸引，咁啱原来💁A先生公司附近就有得食，一于放工揾埋💁♀️为食妙妙过嚟一齐食完先返屋企。
餐厅位于一座大厦嘅25楼，位处高层所以坐近窗边嘅客人都可以望到附近嘅楼景。内里装修精致，入口处旁边有条好似时光隧道咁嘅打卡位置，座位都安排得好阔落，坐得好舒服。
而今晚我地order咗：
🔆 吉祥套餐（$66）
为食妙妙就拣咗潮汕手搥牛肉丸、潮汕蒜香墨鱼🦑丸、滑牛肉、猪大肠、牛黄喉同贵州丁家脆哨，跟米线同贵州臭豆豉辣汤(小辣)。
先试试汤底呢个贵州臭豆豉辣汤味道都几特别，辣🥵之中带一点臭豆豉独特嘅味道，虽然个名叫臭豆豉，但其实一啲都唔臭，个味仲几吸引㖭！潮汕手搥牛肉丸嘅咬落去弹牙而牛肉味浓，食落都仲有肉汁；墨鱼丸食落好足料弹牙，唔会太多粉无晒墨鱼味；牛肉嫩滑；而猪大肠切得都几大件又入味；牛黄喉食落爽口；脆哨就系贵阳嘅地方小食，系用肉粒腌制后炸成，餐厅另外用一只小碟装住脆哨上枱，咁就唔怕被汤浸住影响口感。先试试唔浸汤就咁食，口感香脆咸香，之后浸一阵汤再食就吸收咗汤嘅味道，又系另一种滋味。
🔆 吉祥套餐（$66）
A先生就拣咗潮汕手搥牛肉丸、潮汕蒜香墨鱼🦑丸、滑鸡片、毛肚同埋豆腐串，而汤底就要小辣嘅重庆麻辣汤，再配白饭。咁样拣系因为A先生见过唔少内地嘅片介绍食冒菜都主要配毛肚同白饭，一于照跟试试先。
毛肚食落爽口，佢嘅表面吸收咗麻辣汤嘅味道，再加上汤面浮住嘅一层红油，入口又香又麻辣，十分刺激；滑鸡片正常嫩滑，配上麻辣汤都唔错；豆腐串索咗麻辣汤底，入口一咬汤汁就涌返出嚟，够晒味道。
🔆 秘制藤椒鱼皮（$48）
鱼皮爽口又凉浸浸，加埋藤椒嘅麻辣香味，系个开胃嘅小食。
🔆 酸梅青柠🍋🟩乌龙茶（套餐+$15）
有酸梅同青柠🍋🟩嘅配搭，饮落酸味有层次，开胃又解辣。
🔆 洛神花山渣苹果🍎 （套餐+$15）
同样有两种层次嘅酸味，再加埋清甜嘅苹果🍎，入口清新😋。
🔆 桂花蜜乌梅冰粉
一碗内有乌梅冰粉、山渣QQ果冻，再淋上桂花蜜糖🍯，酸酸甜甜咁。啱晒食完比较浓味嘅冒菜之后清一清味蕾。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：8.5/🔟
❤🙆♀️(为食妙妙)整体食评：8/🔟
👉🏻 几特别嘅四川冒菜，份量啱晒一个人或者人数少可以试多几款
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 泊车方面餐厅附近横街嘅表位🅿️睇你好唔好彩，或者泊去林士街停车场🅿️行大约5-10分钟到餐厅
👉🏻 离开德辅道中一条街，有多线巴士/电车途经，离港铁上环站大约5分钟路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
张贴
