影片
更多
2021-10-31
199 浏览
荔枝角D2 系依区新既美食集中地，今日约左朋友gathering, 朋友试过依度既西班牙餐厅，佢话味道唔错，今日专诚带我黎依度食晚饭。装修灯光及餐具摆返都充满浓浓既西班牙气氛，今日安排左坐window seat, 可以望住个街景食饭。1.脆炸鳕鱼球配泡沫蜜糖卖相一流，外脆内软，鱼肉好鲜味，点埋蜜糖汁，中和油腻感及更加带出炸鱼味道。2.西班牙烩牛肚鹰咀豆辣肉肠酱汁酱汁好香浓惹味，鹰咀豆牛肚炆到好淋好入味，好味到连个汁都想饮埋。3. 焗多士、西班牙有机蕃茄、蒜头、橄榄油服务员好细心为我地制作多士，将西班牙蕃茄同蒜头搽落多士上，再加上橄榄油，多士香脆，味道好fresh, 第一次咁样食法，感觉好得意。4. 香烤黑毛猪配什锦田园蔬菜服务员介绍有三款唔同既部位既黑毛猪，包括猪脊肉、猪肩肉、胛心肉, 味道由淡至浓开始食，猪肉味浓厚仲有油香，烤过既蔬菜特别香同突出左蔬菜既原味。5.西班牙黑毛猪海鲜饭饭吸收晒海鲜既鲜味，软硬度好适中, 又有饭焦，再加上黑毛猪一齐炒，整个配搭同味道都好出色。6.炸脆条伴云呢拿雪糕及朱古力慕丝炸脆条黎到时仲热辣辣，伴埋云呢拿雪糕同朱古力慕丝，一冷一热既感觉好特别，味道不算
装修灯光及餐具摆返都充满浓浓既西班牙气氛，今日安排左坐window seat, 可以望住个街景食饭。
1.脆炸鳕鱼球配泡沫蜜糖
卖相一流，外脆内软，鱼肉好鲜味，点埋蜜糖汁，中和油腻感及更加带出炸鱼味道。
2.西班牙烩牛肚鹰咀豆辣肉肠酱汁
酱汁好香浓惹味，鹰咀豆牛肚炆到好淋好入味，好味到连个汁都想饮埋。
3. 焗多士、西班牙有机蕃茄、蒜头、橄榄油
服务员好细心为我地制作多士，将西班牙蕃茄同蒜头搽落多士上，再加上橄榄油，多士香脆，味道好fresh, 第一次咁样食法，感觉好得意。
4. 香烤黑毛猪配什锦田园蔬菜
服务员介绍有三款唔同既部位既黑毛猪，包括猪脊肉、猪肩肉、胛心肉, 味道由淡至浓开始食，猪肉味浓厚仲有油香，烤过既蔬菜特别香同突出左蔬菜既原味。
5.西班牙黑毛猪海鲜饭
饭吸收晒海鲜既鲜味，软硬度好适中, 又有饭焦，再加上黑毛猪一齐炒，整个配搭同味道都好出色。
6.炸脆条伴云呢拿雪糕及朱古力慕丝
炸脆条黎到时仲热辣辣，伴埋云呢拿雪糕同朱古力慕丝，一冷一热既感觉好特别，味道不算太甜。
美食当前，加埋杯白酒Sangria 一齐品尝，相得益彰。 今晚依餐好满足，又有特色，可能西班牙菜比较少食，所以今晚既食物味道特别难忘。
张贴
