影片
更多
2023-10-09
1935 浏览
两口子一向都好钟意饮茶食点心，最近又畀我哋喺大埔安慈路发掘到一间由名牌酒店大厨主理嘅特色点心专门店。餐厅主打传统同特色创意点心，店内装潢时尚，走年轻活力路线，点心全部即叫即蒸，新鲜热焫！招牌酥皮鲍鱼糯米鸡 ($52) 糯米鸡外层用松脆嘅酥皮包裹住，造型活灵活现，入面除左有糯米同肉碎外，仲有原只鲍鱼，入口咸香味鲜。上汤金鱼饺 ($32/2条) 金鱼饺外观好靓，好似喺池塘畅泳咁，卖相栩栩如生，加上面头用左矜贵嘅金箔作点缀，再配以内里弹牙虾肉，皮薄馅鲜，美味。烧汁牛柳南瓜球 ($32/2粒) 南瓜球用双层点心架盛上，好有仪式感，入口好重南瓜味，牛柳嫩滑不韧，烧汁浓杰度亦刚好，同甜甜地嘅南瓜皮完美融合。流沙猪仔包 ($22/2个) 猪仔包造型好可爱，包身热烫松软，入面嘅奶黄流沙馅好幼滑，外软内香甜，记得要趁热食。另外仲点左椒盐鱿鱼须 ($48) 同 脆皮BB鸽 ($48)，鱿鱼须大条肉厚，粉浆唔会过多，食落爽口弹牙；乳鸽皮脆肉嫩，腌得够晒入味。萝卜丝酥 ($26/3粒) 粉红色泽，卖相好吸引，咬开见到入面塞满雪白亮丽嘅萝卜丝，萝卜甜软，就算连埋个酥皮食都唔会觉得有腻感。海味腊肠排骨煲
两口子一向都好钟意饮茶食点心，最近又畀我哋喺大埔安慈路发掘到一间由名牌酒店大厨主理嘅特色点心专门店。
餐厅主打传统同特色创意点心，店内装潢时尚，走年轻活力路线，点心全部即叫即蒸，新鲜热焫！
招牌酥皮鲍鱼糯米鸡 ($52) 糯米鸡外层用松脆嘅酥皮包裹住，造型活灵活现，入面除左有糯米同肉碎外，仲有原只鲍鱼，入口咸香味鲜。
上汤金鱼饺 ($32/2条) 金鱼饺外观好靓，好似喺池塘畅泳咁，卖相栩栩如生，加上面头用左矜贵嘅金箔作点缀，再配以内里弹牙虾肉，皮薄馅鲜，美味。
烧汁牛柳南瓜球 ($32/2粒) 南瓜球用双层点心架盛上，好有仪式感，入口好重南瓜味，牛柳嫩滑不韧，烧汁浓杰度亦刚好，同甜甜地嘅南瓜皮完美融合。
流沙猪仔包 ($22/2个) 猪仔包造型好可爱，包身热烫松软，入面嘅奶黄流沙馅好幼滑，外软内香甜，记得要趁热食。
另外仲点左椒盐鱿鱼须 ($48) 同 脆皮BB鸽 ($48)，鱿鱼须大条肉厚，粉浆唔会过多，食落爽口弹牙；乳鸽皮脆肉嫩，腌得够晒入味。
萝卜丝酥 ($26/3粒) 粉红色泽，卖相好吸引，咬开见到入面塞满雪白亮丽嘅萝卜丝，萝卜甜软，就算连埋个酥皮食都唔会觉得有腻感。
海味腊肠排骨煲仔饭 ($38) 煲仔饭热焫焫，腊肠香气十足，排骨腍滑有肉味，米饭粒粒分明，捞埋甜豉油，真系无得输。
雪耳花胶炖海底椰 ($42) 炖汤真材实料，除左花胶同海底椰外，仲有赤肉、鸡脚、金华火腿等，滋补又养生。
杨枝甘露 ($36) 以支装上，材料挺多，西米超大粒，芒果甜美，加上酸香柚子肉，啖啖滋味。
张贴
