影片
更多
2024-08-20
1145 浏览
日式居酒屋不外乎都系食串烧、天妇罗、寿司，最近比我揾到间好有特色，独树一帜嘅居酒屋－高知駅👏🏻佢哋系香港唯一同日本四国高知县有联系嘅居酒屋，有日本师傅在场，用大量日本在地食材炮制高知县料理，好似用稻草烧嘅鲣鱼半敲烧🔥铁板芝士炒蛋🍳等。地道居酒屋料理吸引日本人都嚟食😎加上呢度供应清酒放题，大家饮多几杯之后情绪高涨🤣真系好似飞到日本一样，气氛一流🥳🍶清酒任饮放题 男士$168、女士$98，可于2小时任饮4款清酒😚有越后樱纯米大吟酿、一白水成等，可以自己出去斟。另外可以单点其他品牌清酒、梅酒、啤酒等🍻🧆渍物盛合有核桃拌小女子，小女子即玉筋鱼，咸咸甜甜几惹味😛🥗粒粒柚子沙律份量十足，有唔少新鲜鱼生粒，加上柚子汁好开胃😙🍳明太子铁板芝士炒蛋招牌菜式之一，店员即场系客人面前用铁板炒蛋🔥见到拉丝芝士加上蛋浆系铁板上滋滋声咁好吸引😍芝士味香浓😙🍣刺身4点（鲣鱼半敲烧、缟鲹、伊佐木，鲷鱼海胆）鲣鱼半敲烧系另一必试菜式，为高知县特色料理👏🏻师傅即场表演火焰烧鲣鱼，用稻草将原条鲣鱼烧至半生熟，未食先震撼眼球🤓鲣鱼厚切，充满烟熏香气，搭配生蒜同葱一齐食😋缟鲹即深海池鱼，仲有伊佐木都好新鲜。鲷鱼包住甘甜海胆，鲜
🍶清酒任饮放题
男士$168、女士$98，可于2小时任饮4款清酒😚有越后樱纯米大吟酿、一白水成等，可以自己出去斟。另外可以单点其他品牌清酒、梅酒、啤酒等🍻
🧆渍物盛合
有核桃拌小女子，小女子即玉筋鱼，咸咸甜甜几惹味😛
🥗粒粒柚子沙律
份量十足，有唔少新鲜鱼生粒，加上柚子汁好开胃😙
🍳明太子铁板芝士炒蛋
招牌菜式之一，店员即场系客人面前用铁板炒蛋🔥见到拉丝芝士加上蛋浆系铁板上滋滋声咁好吸引😍芝士味香浓😙
🍣刺身4点（鲣鱼半敲烧、缟鲹、伊佐木，鲷鱼海胆）
鲣鱼半敲烧系另一必试菜式，为高知县特色料理👏🏻师傅即场表演火焰烧鲣鱼，用稻草将原条鲣鱼烧至半生熟，未食先震撼眼球🤓鲣鱼厚切，充满烟熏香气，搭配生蒜同葱一齐食😋缟鲹即深海池鱼，仲有伊佐木都好新鲜。鲷鱼包住甘甜海胆，鲜味加乘😋😋
🍢烟熏芝士牛舌
免治鸡肉棒就食得多，呢个就特别啲，用免治鸡肉混合牛舌粒，面头铺上轻井泽芝士🧀食落口感脆脆地之余仲带点爽口，加上芝士嘅咸香，几惹味😋
🥓京都九条葱豚肉卷串
九条葱系日本较具代表性嘅葱品种，主要系京都种植，口感比一般葱更爽脆😚豚肉烧到逼晒油份出嚟，唔会油腻，葱段带辛辣感，比较香口😻
🌽烧京都绢豆腐、芝士年糕、烧日本白玉粟米
豆腐超滑溜，酱汁咸咸香香几好食😋芝士年糕放上海苔碎，海苔味加上芝士味几特别🤪粟米
颜色较白，几爽口，不过烧得过火咗啲啲。
🍠鹿儿岛产金时芋天妇罗
金时芋系番薯品种，特别粉糯香甜，做成外脆内粉嘅天妇罗就啱哂😚
🍈高知一果相伝蜜瓜雪葩伴抹茶蕨饼
蜜瓜来自高知县，店家特别向厂商订造呢款蜜瓜雪葩，全港可能只有呢度有😎蜜瓜味超清甜，无添加，好解腻🥳另外仲有抹茶蕨饼，冰凉烟韧。
人均消费：$640
推介指数（10分为满分）：8分
张贴
