L'attitude (已結業)

钟意去下啲特式既餐厅，朋友介绍所以就订台黎试下。一坐低店员就摆低个特别既水杯，好有心思布置既餐厅，啲灯系棉花糖咁既样，亦摆左好多公仔，环境舒适。对于钟意食海鲜既我，呢个蟹膏带子海胆伴饭真系不得了，好足料～ 粒带子煎得好靓好香，啲海胆、蟹子、鱼子同蟹膏都好新鲜，推荐俾钟意食海鲜既朋友👍🏻👍🏻另外都有叫一款棉花糖包住鹅肝既小食，几特别，味道就不过不失。仲有个带子羽衣甘蓝意大利面，啲意粉汁煮得好香，好夹个意粉，羽衣甘蓝够新鲜，带子煎得岩岩好，摆碟几靓，而份量都够。