幸拉麵 (已結業)

𠮶日放工谂住喺附近食啲嘢先返去，所以就喺附近行下揾下有啲咩嘢食。行经电气道发现有一间餐厅食拉面，望入去环境唔错，所以决定入去试下。餐厅环境唔算好大，大概20个座位。开放式厨房，见到厨师制作认真。有三款汤底可以选择，仲可以追加配料。黑豚一上枱已经闻到浓烈嘅黑蒜味，而且木耳爽口，仲有大大片猪肉。仲有好靓嘅留心蛋。赤豚大量新鲜嘅蕃茄，加咗少少辣十分野味。面条软硬适中，口感弹牙。赤豚加上芝士粉，味道更加丰富。拉面汤底非常浓郁，食到停唔到口，连汤都饮晒，真系冇得顶。