Siam 28 (中國保險大廈) (已結業)

今日朋友带我去呢度食泰北菜，之前都未食过，原系咁好食。炸青木瓜沙律配自家酱汁，新鲜木瓜沙律食得多，炸木瓜沙律都系第1次食，d木瓜丝每条都炸到脆卜卜，配埋佢地特制嘅酱汁，酸酸辣辣劲开胃，个酱汁入面仲有大虾，劲足料。泰北牛腩汤，冬荫公成日都饮，今次就试吓泰北汤，饮落好清，都有酸辣嘅味道，好好味，个汤仲有大量嘅牛腩同草菇，d牛腩煮到啱啱好，食落唔太淋唔太韧，劲正。泰式湿炒海鲜停顿之面，个卖相非常靓，d面竟然可以凌空企喺度，我都系第1次见，d炸面好松脆，侧边d海鲜味道好好，有大虾，蚬同鱿鱼，好新鲜，d面捞埋d汁一齐食，好好味。泰式姜奶茶，个奶茶好浓郁，入面仲有2块大姜片，饮落劲暖胃，原来奶茶mix姜系咁夹。蜂蜜香茅茶，香茅茶劲香香茅味，煮到出晒味，呢度d蜜糖系另上，自己钟意几甜就自己控制，香芽mix蜜糖嘅味道又真系唔错。