蜜密 (已結業)

食完晚饭黎食甜品，系屋企附近新开左间叫密蜜嘅甜品屋，好似好靓咁，一于黎试下。店很少，要等位，等左一阵就有枱，但真系几迫下。叫左几款甜品share食，正呀。星星月亮太阳，其实系杨枝金露，芒果拿破仑，意大利芒果雪糕。芒果味十足，卖相亦靓，有诚意之作。和风抹茶心太软，卖相同样一流。爆酱而出，满满嘅抹茶味真系唔讲得少，十分正！！大力堆介！店长堆介嘅黑色魅惑，层次十足，朱古力雪糕下面有朱古力奶冻，再下面有朱古力卜卜米，再加埋香蕉片，朱古力味强烈得黎又唔单调，啱哂朱古力爱人。比利时窝夫，酱汁有浓浓嘅酒味，不会苦涩又不会过甜，窝夫烤得香脆，不错。除了迫了点，其他都十分满意，又系满足嘅一餐呢。