影片
更多
2023-03-25
60 浏览
天气开始回暖，仍然好想打边炉😆 最近留意到有间火锅店食物几多元化，有多款鸡煲底拣，而且价钱唔贵，一于约朋友试试先！餐厅地点方便，位于铜锣湾商厦V point 23楼，落地玻璃窗可以望到维港同高楼大厦景色。用餐环境阔落，干净整洁，坐窗口卡位仲可以欣赏景色😍 汤底选择千变万化，除左基本鸡煲汤底之外，仲多款招牌干锅选择，附送一个精选汤底for打边炉，真正「随变火锅」🥹 餐厅仲提供多款火锅配料﹑精选小食﹑凉拌小菜﹑风味串烧，唔只打边炉咁简单~ 午市价钱更亲民，一人火锅唔洗$100就食到，下次可以再黎试下！♢ 🐓酸汤猪肚鸡煲(半只) $238今日唔想食辣，所以试个清淡少少既鸡煲先~ 半只鸡份量都几多，鸡皮滑溜，肉质嫩滑。而猪肚脆嫩爽口，而且无怪味，食得好安心~ 汤底酸辣过瘾，唔食辣都觉得OK，香口惹味。食完鸡煲仲可以加配料打边炉，索满汤汁精华真系好正🤤♢ 🐖西班牙黑豚肉 $138黑豚肉呈粉红色，一睇就知系靓野😍 黑豚肉肥瘦适中，纹路美观，轻轻碌下已经食得~ 口感细嫩而唔油腻。♢ 💫招牌手打蟹籽墨鱼滑 $98呢个真心好食，推介必点❗️大量蟹籽非常澎湃，见到都想食~ 店员主动过黎帮我地将蟹籽同墨鱼滑捞
餐厅地点方便，位于铜锣湾商厦V point 23楼，落地玻璃窗可以望到维港同高楼大厦景色。用餐环境阔落，干净整洁，坐窗口卡位仲可以欣赏景色😍
汤底选择千变万化，除左基本鸡煲汤底之外，仲多款招牌干锅选择，附送一个精选汤底for打边炉，真正「随变火锅」🥹 餐厅仲提供多款火锅配料﹑精选小食﹑凉拌小菜﹑风味串烧，唔只打边炉咁简单~ 午市价钱更亲民，一人火锅唔洗$100就食到，下次可以再黎试下！
♢ 🐓酸汤猪肚鸡煲(半只) $238
今日唔想食辣，所以试个清淡少少既鸡煲先~ 半只鸡份量都几多，鸡皮滑溜，肉质嫩滑。而猪肚脆嫩爽口，而且无怪味，食得好安心~ 汤底酸辣过瘾，唔食辣都觉得OK，香口惹味。食完鸡煲仲可以加配料打边炉，索满汤汁精华真系好正🤤
♢ 🐖西班牙黑豚肉 $138
黑豚肉呈粉红色，一睇就知系靓野😍 黑豚肉肥瘦适中，纹路美观，轻轻碌下已经食得~ 口感细嫩而唔油腻。
♢ 💫招牌手打蟹籽墨鱼滑 $98
呢个真心好食，推介必点❗️大量蟹籽非常澎湃，见到都想食~ 店员主动过黎帮我地将蟹籽同墨鱼滑捞匀，劲好服务👍🏻 墨鱼滑爽滑弹牙，加左蟹籽后好爽脆，口感丰富。
♢ 🦐招牌手打黑松露虾丸 $68
虾丸用新鲜虾肉包成，足料弹牙，落左黑松露香气十足，味道够突出，想食丸类可以试呢个！
♢ 🌟不可错过手工云吞王 $38
粒粒云吞都好足料，真系不容错过呀❗️云吞皮非常薄，包满虾肉后非常重手，真材实料，食落真系啖啖虾香，好满足~
♢ 👼🏻天使米粉 $25
食落似新竹米粉，面条好幼细，唔洗碌太耐，可以保持脆口~ 餐厅仲附上一个小篮子比我地放入锅中，唔怕D面碌到散哂，非常贴心呀🥹
♢ 🥬茼蒿 $38
每片都好大棵，新鲜翠绿，轻轻碌下就食得，索左酸汤精华好香口~
串烧
♢ 🍡一夜情 ‧ 用鸡皮包住芝士肠，鸡皮够脆，芝士肠好juicy，几好食！
♢ 🍡墨鱼丸 ‧ 爽口弹牙，轻轻用椒盐调味已经好香口。
♢ 🛎用餐费 $20/位
餐厅设有自助酱料区。店员服务细心，不时主动过黎添水﹑换新碟，服务一流 枱面仲放左包tempo纸巾添，值得加分👍🏻
张贴
