Thai Basil

营业中

休息中

Pacific Place 成日比人感觉食野好贵咁，但今日食呢间泰国菜就值得推介，佢唔会赶你走之余又坐得舒服，野食又好食，价钱唔贵。 是次无特别叫饮品，但主菜同小食都试左啲唔同款既野，叫左个柚子沙律，串烧，咖喱豆腐同埋芒果糯米饭。柚子沙律全柚子，唔会系好碎，仲有花生同香葱，酸酸辣辣好开胃同惹味，感觉好清新，好鲜甜，完全唔油腻，好啱食。个鸡沙嗲串烧啲肉都好嫩，唔会靭，唔点沙嗲都会有啲味，沙嗲酱亦够味！ 最紧要系啲鸡唔会好㶶。第一次食泰国菜叫咖喱豆腐，好惊喜，真心推介，因为佢入面个豆腐系好滑，好好食，加上个炸粉唔厚，配埋咖喱都唔会好漏！呢度既芒果糯米饭系用紫米加糯米，仲要个卖相好靓，食落去会有2种口感，而且芒果新鲜同甜，值得一试。