船渦

营业中

休息中

成日都听到人哋讲话咩粥底火锅、鱼汤米线咁样，今日终于有机会嚟到铜锣湾呢一间船涡度食。餐厅嘅位置非常便利，喺SOGO后面行大概3分钟左右就到。餐厅嘅装修非常之有特色，系用啲帘间开左每一个位置，同朋友食饭嘅时候都好有私人空间。我哋今日就分别叫咗一个九品芝麻套餐同埋内务总管套餐，每一个套餐其实都好丰富，有齐海鲜、例如贝壳类虾鱼等等。另外仲有牛肉鸡肉豚肉可以选择，再加上配菜、墨鱼丸、牛丸等等，食到一半已经非常之饱。而印象最深刻嘅系佢嘅海鲜非常新鲜，啲贝壳上到枱之后都仲识得郁，所以食落去非常鲜甜，而去嘅海鲜汁流落去下面个汤底，再加上鱼汤烹调，味道非常吸引。整体上呢一餐都系一个好特别嘅体验，咁样食法嘅火锅真系唔多，而餐厅嘅装修又令人坐得好舒服，绝对推介大家去试一试。