影片
更多
2024-08-14
698 浏览
平时日本菜食西餐都食得多巴西菜好似冇乜机会食，而呢间系巴西日本嘅fusion菜，够晒特别。两个人叫咗dinner set ，通常会有七个course，包括咗五个小食前菜，一个main course，一个甜品。唔好以为佢咁多款会每样嘢得一件，而系真系份量足到你会有啲后悔贪心叫咗七个course嘅set。第一个嚟到嘅系呢一个木薯芝士粒，第一次食佢个样好似粒粒西米露，但系口感就烟烟韧韧，闻落又好似炸豆腐，咸咸地脆脆地咁，几好食㗎，不过你唔好睇佢几粒咁样其实都几饱肚。另外我觉得最钟意嘅前菜系呢一个腌三文鱼，佢个烟熏三文鱼嘅味道好香，再加埋柚子醋嘅酸酸甜，再加埋少少Wasabi蛋黄酱，味道真系出奇地夹同埋开胃。另一个就系甜酸酱炸鸡，呢个都系几饱肚，佢个酱汁酸酸甜甜比较似韩式甜酸酱。最重要嘅系佢唔会落咗好厚粉去炸，一咬啲鸡肉系好嫩滑，劲多汁，真系超好味。跟住仲有呢个味噌茄子，初初见到个名以为系冻食，因为佢会加咗一啲羊乳酪同埋腰果，平时日式茄子都系烧嘅多，今次嘅Crossover系味噌加咗芝士系另外一种味道，不过我就略嫌佢偏咸咗少少。最后一个前菜，佢会喺厨师推介，今日系渍腌牛肉，佢呢个汁都比较似三文
第一个嚟到嘅系呢一个木薯芝士粒，第一次食佢个样好似粒粒西米露，但系口感就烟烟韧韧，闻落又好似炸豆腐，咸咸地脆脆地咁，几好食㗎，不过你唔好睇佢几粒咁样其实都几饱肚。
另外我觉得最钟意嘅前菜系呢一个腌三文鱼，佢个烟熏三文鱼嘅味道好香，再加埋柚子醋嘅酸酸甜，再加埋少少Wasabi蛋黄酱，味道真系出奇地夹同埋开胃。
另一个就系甜酸酱炸鸡，呢个都系几饱肚，佢个酱汁酸酸甜甜比较似韩式甜酸酱。
最重要嘅系佢唔会落咗好厚粉去炸，一咬啲鸡肉系好嫩滑，劲多汁，真系超好味。
跟住仲有呢个味噌茄子，初初见到个名以为系冻食，因为佢会加咗一啲羊乳酪同埋腰果，平时日式茄子都系烧嘅多，今次嘅Crossover系味噌加咗芝士系另外一种味道，不过我就略嫌佢偏咸咗少少。
最后一个前菜，佢会喺厨师推介，今日系渍腌牛肉，佢呢个汁都比较似三文鱼𠮶一个，但系就冇咁酸。然之后佢个牛肉除咗腍身之外，仲有一个爽口嘅口感，系都几出色嘅。
食完饭前菜，佢就会同你上主菜，我哋拣咗其中一个系猪肋排，平时食呢一个猪肋排都比较腻，佢呢一个配搭咗新鲜菠萝俾你解下腻，都系一个几好嘅配搭。
佢系用咗慢烤嘅方式，但系佢嘅肉质系超级腍，完全系入口即溶，真系轻轻一推已经可以骨肉分离。
而另外一个主菜我哋拣咗牛里肌，咁呢个部位系腍得来有口感。我哋拣咗三成熟，嚟到都真系啱啱好，粉嫩粉嫩咁嘅颜色真系好吸引，乜嘢都唔使点净系配去洒咗上去嘅盐粒已经好好味。而佢跟咗你嘅聚左右洋葱蕃茄酱呢一款巴西特色嘅之外，仲有甜甜地嘅黄姜粉，佢个愤怒会形容好似食零食果种粟米薯波波调味粉咁，几得意。
甜品方面，佢都系每一日会唔同。咁啱我哋今晚嘅系椰子蛋糕配芒果雪葩。平时唔系好食甜嘢嘅男朋友话呢一个椰子蛋糕好好食。因为佢唔系甜，而系清新嘅甜，再配上柠檬酱嘅酸，成件事俾佢中和咗，再加埋啲椰子片，成个口感都几丰富，成个甜品俾佢食晒咁滞。
然后佢哋有啲新嘅Cocktail做紧promote系$188.2杯，我拣咗一杯西瓜，一杯热情果。我自己系劲钟意呢一杯西瓜为主嘅Cocktail，因为佢系sake底，酒味会比较温和啲，令到个西瓜味更加出。
而另外一杯热情果可能就会岩男士饮多啲，因为佢个酒味都比较重，而且冇乜甜味，以酸为主，真系睇吓你喜欢什么口感啦。
张贴
