影片
更多
2015-01-14
517 浏览
12月初先开始试业，雪糕加特色雪糕筒，主要有4款雪糕口味,用风、水、地、火 做主题:薰衣草味(风)、海盐味(水)、粟米味(地)同朱古力味(火)。至于七彩甜筒同配料都可要求唔跟佢，另外可以加钱加绵花糖呀、加上花花做topping，要影相一定满足到你!!粟米味(地):有烧日本甜薯、椰青肉、牛油酥饼做topping。雪糕话就话粟米味，但粟米味唔重，只有淡淡粟米既香味... 奶味都重左D..至于烧日本甜薯冻哂亦好干身，无咩甜味 椰青肉都算好一D,但都系淡味夹干身。牛油酥饼细细粒，太实口都好粉..最后甜筒系有甜味但唔知点形容既味道,唔会想食完成个既味道...纯粹一个染色既甜筒..海盐味(水):就攞蓝莓、泡泡糖同埋墨汁松饼做topping。海盐味既雪糕食落只系好似雪糕加左D盐咁，只味好似分左两样野，雪糕就夹返主题(水)，系水D无奶味,好快溶 泡泡糖味道微甜，无咩特别；蓝莓就正常水平,大大粒都甜既唔酸!墨汁松饼同牛油酥饼一样味，只系变左色姐..甜筒都系纯粹一个染色既甜筒，谂住有竹炭味,点知系普通一支筒...唔香脆..朱古力味(火):其中一款我觉得几靓，攞一攞出去,都有唔少人想买黎试~~剩系绵花
12月初先开始试业，雪糕加特色雪糕筒，主要有4款雪糕口味,用风、水、地、火 做主题:薰衣草味(风)、海盐味(水)、粟米味(地)同朱古力味(火)。
至于七彩甜筒同配料都可要求唔跟佢，另外可以加钱加绵花糖呀、加上花花做topping，要影相一定满足到你!!
粟米味(地):有烧日本甜薯、椰青肉、牛油酥饼做topping。雪糕话就话粟米味，但粟米味唔重，只有淡淡粟米既香味... 奶味都重左D..至于烧日本甜薯冻哂亦好干身，无咩甜味 椰青肉都算好一D,但都系淡味夹干身。牛油酥饼细细粒，太实口都好粉..最后甜筒系有甜味但唔知点形容既味道,唔会想食完成个既味道...纯粹一个染色既甜筒..
海盐味(水):就攞蓝莓、泡泡糖同埋墨汁松饼做topping。海盐味既雪糕食落只系好似雪糕加左D盐咁，只味好似分左两样野，雪糕就夹返主题(水)，系水D无奶味,好快溶 泡泡糖味道微甜，无咩特别；蓝莓就正常水平,大大粒都甜既唔酸!墨汁松饼同牛油酥饼一样味，只系变左色姐..甜筒都系纯粹一个染色既甜筒，谂住有竹炭味,点知系普通一支筒...唔香脆..
朱古力味(火):其中一款我觉得几靓，攞一攞出去,都有唔少人想买黎试~~剩系绵花糖都抢去唔少风头~~绵花糖同士多啤梨都可合格既,绵花糖太高好易塌，要好小心食；士多啤梨粒就小小甜唔酸；朱古力酥饼都系一样既味，系有番D香既朱古力味~~~雪糕唔水都唔奶，有朱古力味,不过唔浓既..唔知点解甜筒同其他一样味..
薰衣草味(风):呢款都系好吸引到人嗌!!可能有花喇~~ topping有威化雏菊、菠萝、蜂蜜窝夫 。讲下雪糕先，望去淡紫色，无花香气味，食落都系唔水唔奶感受唔到所讲既薰衣草味...偏甜..菠萝酸左D，幸好佢细细粒唔系就一定仲酸；花话系威化,但唔松脆,唔讲系小小唔知咩甜味既饼... 蜂蜜窝夫就望同食都太软，似蛋糕多D,可惜连味道都无咩蜂蜜味...甜筒不用说,一样味,系彩色甜筒靓D~全部甜筒食到底都有可可脆米,味道同早餐倒奶食既可可脆米差唔多味,不过食慢D都唔脆,"林"身左..环境:细细地,有约3个人空间既靠板做企位,开放式厨房,睇到员工整雪糕、绵花糖加topping,亦有少少摆设,好似:巴士纸巾盒、甜筒架
服务:全部都系男女青年,虽然整雪糕、topping尚算认真，但待客态度就有D马虎,一多人就连笑容都冇，显出有D唔耐烦~~不过制作都叫快~~
张贴
