影片
更多
2024-05-08
30 浏览
之前lunch time黎過食點心，人山人海，今次收工再黎到食，終於坐到窗邊位置，落地玻璃感覺更開揚舒適～而且佢既食物造型特別之餘，味道質素都好好，絕對唔係得個樣😆鴿吞鳳梨好可愛既配置~仲用左格網既籠裝住～做得幾迫真！外皮酥脆，內裡鳳梨酸甜可口，見個個黎到都要叫一份，打卡一流👍🏻睇住流奶設計係有一雙眼，好似宮崎駿動畫媒炭屎鬼既橙黃色版本！搣開後濃稠既奶黃餡料好流心，而且熱辣辣，口感綿密，真係新鮮出爐😍櫻花蝦燒賣燒賣配櫻花蝦，外皮薄而有彈性，餡料鮮嫩多汁，並帶有櫻花蝦既香氣同脆感，整個口感提升，相當之夾🥰鳳梨咕嚕肉咕嚕肉伴隨一整條切好既鳳梨連皮排排上，別具氣派，咕嚕肉色澤鮮明，非常吸引，皮唔會太厚，味道濃郁，夾埋鳳梨一齊食酸酸甜甜，愈食愈勁開胃。芝士海蝦伊麵海蝦彈牙大隻~亦經燒過外殼有焦香既味道，芝士醬汁濃郁奶香。麵條柔軟掛晒芝士汁好邪惡！份量都大份～
鴿吞鳳梨
好可愛既配置~仲用左格網既籠裝住～做得幾迫真！外皮酥脆，內裡鳳梨酸甜可口，見個個黎到都要叫一份，打卡一流👍🏻
睇住流奶
設計係有一雙眼，好似宮崎駿動畫媒炭屎鬼既橙黃色版本！搣開後濃稠既奶黃餡料好流心，而且熱辣辣，口感綿密，真係新鮮出爐😍
櫻花蝦燒賣
燒賣配櫻花蝦，外皮薄而有彈性，餡料鮮嫩多汁，並帶有櫻花蝦既香氣同脆感，整個口感提升，相當之夾🥰
鳳梨咕嚕肉
咕嚕肉伴隨一整條切好既鳳梨連皮排排上，別具氣派，咕嚕肉色澤鮮明，非常吸引，皮唔會太厚，味道濃郁，夾埋鳳梨一齊食酸酸甜甜，愈食愈勁開胃。
芝士海蝦伊麵
海蝦彈牙大隻~亦經燒過外殼有焦香既味道，芝士醬汁濃郁奶香。麵條柔軟掛晒芝士汁好邪惡！份量都大份～
张贴
