影片
更多
2024-09-12
1205 浏览
2024年9月2日 星期一放完一个长假之后第一日返工，完全未适应工作上嘅步伐，所以一放工之后就觉得好攰，好想食嘢弥补番心灵上嘅空虚咁啱就系天后见到呢一间面包店，主打系我最钟意嘅麻糬，决定一于买多啲嘢食，等之后嘅日子都有力量继续工作，餐厅嘅位置都几方便揾到，离远就已经见到有唔同嘅产品售卖行近啲见到冻柜摆满晒各式各样嘅冻饼同蛋糕，十分精致，仲有糯米糍添，侧边嘅柜就摆咗唔同类型嘅曲奇饼同蛋卷，价钱都几贴地，仲有近期好Hit嘅开心果味曲奇店舖入面就摆满咗唔同嘅面包，除咗一般面包店见到嘅面包之外，当然唔少得有麻糬波波、牛角可颂同云朵蛋糕，实在系花多眼乱唔知拣咩好，所以最后决定乜都要少少，顺便拣埋嘢饮，决定一买完就即刻一边饮一边食首先呢个饮品系港式丝袜奶茶，奶味几浓郁，而且饮落去滑溜，虽然冇冰，不过够晒冰冻，大热天时饮就啱晒返到屋企已经急不及待拆开个麻糬波波嚟食，呢一个系紫薯麻糬波波，成袋有五个，每一个大小都差唔多，一咬落去已经有紫薯蓉同麻糬，好烟靭，个皮几薄而且食到紫薯嘅甜味，连BB都好钟意食之后有双重特浓朱古力脆脆卷，啱晒钟意食朱古力嘅人士，因为一啖食落去可以食到多重朱古力，无论系出面嘅朱古力
放完一个长假之后第一日返工，完全未适应工作上嘅步伐，所以一放工之后就觉得好攰，好想食嘢弥补番心灵上嘅空虚
咁啱就系天后见到呢一间面包店，主打系我最钟意嘅麻糬，决定一于买多啲嘢食，等之后嘅日子都有力量继续工作，餐厅嘅位置都几方便揾到，离远就已经见到有唔同嘅产品售卖
行近啲见到冻柜摆满晒各式各样嘅冻饼同蛋糕，十分精致，仲有糯米糍添，侧边嘅柜就摆咗唔同类型嘅曲奇饼同蛋卷，价钱都几贴地，仲有近期好Hit嘅开心果味曲奇
店舖入面就摆满咗唔同嘅面包，除咗一般面包店见到嘅面包之外，当然唔少得有麻糬波波、牛角可颂同云朵蛋糕，实在系花多眼乱唔知拣咩好，所以最后决定乜都要少少，顺便拣埋嘢饮，决定一买完就即刻一边饮一边食
首先呢个饮品系港式丝袜奶茶，奶味几浓郁，而且饮落去滑溜，虽然冇冰，不过够晒冰冻，大热天时饮就啱晒
返到屋企已经急不及待拆开个麻糬波波嚟食，呢一个系紫薯麻糬波波，成袋有五个，每一个大小都差唔多，一咬落去已经有紫薯蓉同麻糬，好烟靭，个皮几薄而且食到紫薯嘅甜味，连BB都好钟意食
之后有双重特浓朱古力脆脆卷，啱晒钟意食朱古力嘅人士，因为一啖食落去可以食到多重朱古力，无论系出面嘅朱古力脆脆或者瑞士卷里面嘅朱古力酱，甚至乎连瑞士卷本身都系朱古力味，所以朱古力味十分突出，但唔会过甜或者有苦味，出奇地味道都几平衡
呢个系杨枝甘露盒子蛋糕，专登留返饭后甜品享用，上一层系杨枝甘露果冻，而下层就系蛋糕，所以每一啖都食到杨枝甘露同蛋糕，份量都几足料，有食到芒果肉同西柚肉，味道酸酸甜甜，作为饭后甜品就啱晒
另外仲有各款西式冻饼，分别有阿华田慕丝西饼、芒果慕丝西饼同蓝莓芝士蛋糕，每款味道都唔错，比较特别系阿华田慕丝西饼，因为平时比较少食呢一个味，食落每一啖真系有阿华田味，同朱古力味好唔同，西饼嘅质感都比较轻盈，食完都唔会觉得好饱滞
同一时间我仲另外买咗各款糯米糍同麻糬QQ，当中仲要咗近期人气最爆嘅开心果味，糯米糍除咗皮薄之外，里面嘅馅料亦都有好多，净系见到呢个开心果味，就已经知道馅料塞满晒成个糯米糍，开心果味好突出，仲食到开心果粒添，同时间糯米糍嘅外皮够烟靭，放咗雪柜一晚再拎出嚟食都仍然保持口感同味道
最后仲有麻糬扁牛角可颂，因为从来未见过牛角包都可以压扁成咁样，所以就买咗两个嚟试下，分别系草莓拉丝夹心同开心果拉丝夹心，可能压扁咗嘅关系，所以食落去更加脆口，更加容易食到一层层嘅感觉，馅料除咗出面见到之外，里面嘅麻糬咬落去真系可以做到拉丝，强烈推荐！！
张贴
