影片
更多
2024-07-26
1320 浏览
过气黑洞又要出山因为呢日要同朋友去食自助餐！真系想唔认老都唔得而家嘅胃口已经冇以前咁劲，所以食自助餐要拣得精明日本主题就最啱感觉冇咁饱呀嘛哈哈。呢日我哋去咗香港九龙东皇冠假日酒店嘅尚厨食东瀛滋味嘉年华自助晚餐。未够六点半去到都未见有人以为好静！点知去到七点已经全场爆满，喺而家咁嘅市道下呢个自助餐都真系几好生意。入得场第一时间去睇吓有咩好嘢食先！𠮶条自助餐线好长都好多嘢食吓。首先有日式冷面同埋寿司咦点解唔见咗刺身嘅！跟住就系冰镇海鲜档入面摆咗好多款，有海虾、蚬、龙虾钳、黄金螺、纽西兰青口、面包蟹同埋松叶蟹脚，钟意食海鲜嘅老婆大人睇到流晒口水。我最钟意食嘅刺身原来喺呢度！呢日有带子、三文鱼、油甘鱼、马刀贝同埋天使粉红虾刺身，油甘鱼同带子刺身睇落好得㖞。再行前啲冻盘专区摆咗好多前菜好似有芝士、烟三文鱼同埋冻火腿，仲有现成嘅大虾杂果沙律、香辣大树菠萝沙律、德国薯仔沙律同埋中华沙律，迷你雪糕嘅烟三文鱼伴鱼子酱水牛芝士脆筒的的式式仲几好味添。再行前啲呢度仲有即开生蚝！全晚任食每次可以攞三只食多几转回本好易啦。钟意食菜嘅有水耕菜自助沙律，加埋其他新鲜嘅配菜想食得健康容乜易吖。如果你钟意食汤面咁就开心
呢日我哋去咗香港九龙东皇冠假日酒店嘅尚厨食东瀛滋味嘉年华自助晚餐。
未够六点半去到都未见有人以为好静！点知去到七点已经全场爆满，喺而家咁嘅市道下呢个自助餐都真系几好生意。入得场第一时间去睇吓有咩好嘢食先！𠮶条自助餐线好长都好多嘢食吓。
首先有日式冷面同埋寿司咦点解唔见咗刺身嘅！
跟住就系冰镇海鲜档入面摆咗好多款，有海虾、蚬、龙虾钳、黄金螺、纽西兰青口、面包蟹同埋松叶蟹脚，钟意食海鲜嘅老婆大人睇到流晒口水。
我最钟意食嘅刺身原来喺呢度！呢日有带子、三文鱼、油甘鱼、马刀贝同埋天使粉红虾刺身，油甘鱼同带子刺身睇落好得㖞。
再行前啲冻盘专区摆咗好多前菜好似有芝士、烟三文鱼同埋冻火腿，仲有现成嘅大虾杂果沙律、香辣大树菠萝沙律、德国薯仔沙律同埋中华沙律，迷你雪糕嘅烟三文鱼伴鱼子酱水牛芝士脆筒的的式式仲几好味添。
再行前啲呢度仲有即开生蚝！全晚任食每次可以攞三只食多几转回本好易啦。钟意食菜嘅有水耕菜自助沙律，加埋其他新鲜嘅配菜想食得健康容乜易吖。
如果你钟意食汤面咁就开心喇！因为呢度嘅木鱼汤底好食到不得了，仲有猪骨汤底可以拣不过我就冇试到！
跟住仲有好多热辣辣嘅菜式可以拣！但系最吸眼球肯定系呢件清蒸比目鱼。
至于食肉兽当然都会照顾得到啦！呢日就有纽西兰烧肉眼同埋烧猪鞍。
跟住仲有十几款嘅热食真系目不暇给啊！
话明系日本主题首先有蒲烧鳗鱼饭，跟住仲有日式酱烧帆立贝、豚肉生姜烧、烩忌廉鸡肉、日式烧茄子同埋烧鲭花鱼，钟意食日本嘢嘅朋友可以大擦一餐。呢晚有中式同西式汤分别系系合掌瓜煲唐排同埋蘑菇忌廉汤。继续仲有好多异国风情嘅嘢食！好似印度海鲜咖喱、匈牙利烩牛肉、杏片虾肉蟹钳、煎鸡肉串、烤羊架同埋劲好食嘅香煎和牛粒。
走到尽头仲有即炸新鲜热辣嘅天妇罗、卤水拼盘同埋海南鸡，如果食晒呢条自助餐线嘅嘢应该会饱到癫咗。
甜品迷系唔系系好心急呢！咸食种类劲多甜品都唔少嘢㗎。
首先有甜蜜蜜嘅香芒布甸、橘子果冻同埋菠萝椰子奶冻。隔离仲有八款口味嘅Häagen-Dazs雪糕任食。不过最吸引我觉得系呢个即制嘅法式班戟，记住一定要留位食埋佢呀正嘢嚟㗎。仲有原桶豆腐花同埋蛋挞，钟意食包包嘅话呢度都有几款拣㗎。
呢一张超长嘅甜品枱上面摆咗好多日式同经典嘅甜品。
日式甜品有抹茶红豆蛋糕、柚子芝士蛋糕、樱花水信玄饼等等。转过弯仲有朱古力喷泉同埋好多新鲜嘅生果。觉得唔够喉加少少钱就可以升级任饮！唔同价钱有唔同选择可以无限任饮橙汁、啤酒、汽水同埋红、白酒。
大家都会好想问饮品有冇得任饮先！放心呢个自助餐有冷热红茶、咖啡、果汁都系任饮嘅。
同大家睇完有咩食而家就到我开餐喇！乜都唔使讲首先队返半打生蚝就系王道，又肥又饱满嘅生蚝食落去好绵滑，鲜味都好够最紧要系好新鲜。
跟住梗系要叹我最钟意嘅刺身啦！柔润嘅油甘鱼同埋软绵绵嘅带子刺身系我嘅推介。
食食吓听到响铃声就知道出面有好嘢攞啦！原来呢个自助餐会有甲罗烧食咁开心嘅。枱上已经摆咗个小火炉将甲罗烧捞匀之后烧佢4分钟搞掂食得，将蟹膏放上去脆卜卜嘅多士一齐食真系好鬼滋味。
呢个时候整碗合掌瓜唐排靓汤饮吓先！呢个汤煲得几浓吓唔会好似饮水咁唔错㖞。
饮完汤冇耐又听到响铃嘅呼唤呢次系芝士焗龙虾！每人可以攞半只食完可以再攞㗎，芝士加龙虾都系冇得输嘅组合嚟，最紧要龙虾唔会焗到鞋霎霎仲鬼死咁多膏添。
老友攞咗一大碟天妇罗返嚟我梗系抽吓水啦！食咗天妇罗虾个脆浆炸得几香同埋唔油虾肉好新鲜仲好弹牙添，估唔到自助餐嘅出品几有水准㖞。
呢碟热食老婆大人攞埋我𠮶份，坐喺度印印脚就可以坐享其成爽呀！呢碟面我就最钟意海南鸡同埋照烧茄子，海南鸡皮爽肉嫩唔使点酱都好好食，日式照烧茄子香滑得嚟仲好鬼入味劲正。
牛魔王梗系要食返件纽西兰烧肉眼啦！顺手攞埋羊架同埋和牛粒，呢三款都系我嘅必食推介。劲粉嫩多汁嘅烧肉眼好香滑牛味都好出，不过和牛粒嘅油香仲更加正斗，平时我唔系特别钟意食羊不过呢度嘅烧羊架我觉得要食，大前提你要钟意𠮶朕羊嘅膻味先得哈哈。
最后整多碗牛肉木鱼汤乌冬呢一餐就非常完美！呢个汤底好香浓加埋乌冬同牛肉质素都唔错，如果唔系咁饱真系想队多碗呀。
甜品虽然唔系我最钟意但系都会陪老婆大人食啲嘅，点知个傻婆一拎就攞咗八球雪糕返嚟！好彩朋友多一人食啲啲搞掂咗佢。
头先讲𠮶个即制法式班戟真系靓到一个点啊！葵广食一件都要几十蚊呢可以任砌爽啊，个饼皮做得好软熟加埋香滑嘅忌廉同新鲜生果真系好正。
最后仲有呢一碟甜品有好通透嘅水信玄饼，同埋又香又滑嘅日式布丁烧都好正㗎。
食饱饱整返碟生果帮助消化先！呢个自助晚餐星期五至日同埋公众假期$638一位，记得去酒店嘅网上商店订位同俾钱有八折㗎。
张贴
