影片
更多
2015-02-23
2794 浏览
寻日做嘢行开铜锣湾，登龙街又有日式面店开张。三田制面所响日本人气高，可跟一兰比下去，有人话佢就系'沾面版一兰'。其实一兰同三田旺丁嘅原因并唔系佢系顶级面食，而系店舖位置，虽然佢唔系最好食，但系味道总算不过不失，质素平均，所以仍然有慕名而来。真系除左富士山55有番热汤汁服务外，其他嘅都唔兴。小弟真系唔系好得碗汤面食到最后系冻嘅，是但啦，入店随俗，就黎个招牌辛辣浓厚豚骨鱼介沾面。面话到明系制面所，面梗系自家制，极太面面条粗，只幼过乌冬面丁多。其实识食应该点冷面，不过我坚怕汤汁快冻，所以要咗热面，点知。。。因为热面冇过冷河，面好容易会黐埋一堆，因此师傅响碗底嘅面剪咗几下，碎咗就冇咁黐，容易夹啲，但系啲面条断哂，点先?! 好心做坏事啰。面嘅份量分大(280克)中(210克)小(140克)，查实小份已经够我食，点知个侍应吓咗我一声，对面搭枱果两位女仕都点大份，响压力下我点咗中份量，最后我夹硬食哂。至于果两位眼阔肚窄，贪心嘅女仕，落地府一定会食番哂食剩果啲面。面嘅质感系败笔，连我食开普通硬度嘅都觉得软，点餐时亦冇得选择硬度，当然热面系会影响面质，不过食到后尾真系稔到不行。沾汁层次分明，辣唔会盖过汤
真系除左富士山55有番热汤汁服务外，其他嘅都唔兴。小弟真系唔系好得碗汤面食到最后系冻嘅，是但啦，入店随俗，就黎个招牌辛辣浓厚豚骨鱼介沾面。
浓厚豚骨鱼介辛辣沾面
$88
110 浏览
0 赞好
0 留言
话到明系制面所，面梗系自家制，极太面面条粗，只幼过乌冬面丁多。其实识食应该点冷面，不过我坚怕汤汁快冻，所以要咗热面，点知。。。因为热面冇过冷河，面好容易会黐埋一堆，因此师傅响碗底嘅面剪咗几下，碎咗就冇咁黐，容易夹啲，但系啲面条断哂，点先?! 好心做坏事啰。面嘅份量分大(280克)中(210克)小(140克)，查实小份已经够我食，点知个侍应吓咗我一声，对面搭枱果两位女仕都点大份，响压力下我点咗中份量，最后我夹硬食哂。至于果两位眼阔肚窄，贪心嘅女仕，落地府一定会食番哂食剩果啲面。
面嘅质感系败笔，连我食开普通硬度嘅都觉得软，点餐时亦冇得选择硬度，当然热面系会影响面质，不过食到后尾真系稔到不行。
沾汁
层次分明，辣唔会盖过汤汁本身嘅甜，豚骨同鱼介嘅味亦完全分别细尝得到，鱼粉烤香恰到好处，冇喧宾夺主。浓味得黎唔会死咸，唔肥腻。汤汁内有一件豚肉，超浓味，松化香口，为可口嘅汤汁点缀。
汤上枱时都算热，食到第五啖就开始变暖，食到一半就冻哂，夹硬食哂真系有啲辛苦。边个话要热面个汤就唔会冻，唔好自己诡自己啦。
仲有，食完个面加热清汤(汤割)，加咗汤都唔热，可想而知碗汤汁有几冻。
配料
叉烧松化，偏瘦但入口溶化，味道浓郁。半熟蛋蛋黄软糯，蛋白入味唔过咸。荀条爽口无渣，配料素质平均。
炸鸡
$20
87 浏览
0 赞好
0 留言
卖相正宗，伴大量椰菜丝。皮薄酥脆弱味浓，鸡肉软滑多汁，新鲜炸起，不错嘅小食，值得一试。
总括黎讲，就系OK, 唔可以叫好好，但系又唔差，唔想周围揾，又要有保证，三田帮到你。有听讲话个老板想迎合香港人口味, 将面嘅硬度同汤嘅油份有所调校......唉...
张贴
