阿荔車仔麵

营业中

休息中

谦谦上完跳绳班话好肚饿近近地来到阿荔车仔面食返碗再返屋企啦！🔯 阿荔特浓沙嗲车仔沾面 ～ 选左赞岐乌冬加3个𩠌，分别系雪花肥牛， 辣沙嗲鱼蛋和鱼片头。 谦谦话沾拉面食得多，沾车仔乌冬好得意，仲要系港式味的沙嗲够香浓，乌冬挂汁力强，鱼蛋够辣。🔯 冲绳黑糖猪手麻辣捞面 ～ 我选左手工拉面贪佢面质弹牙， 个猪手唔好睇佢细细件分量几多下， 炆到入哂味，满满骨胶原 ，爱麻辣人士呢碗绝对系好选择，够麻够辣好刺激。🔯 黑松露酱炸单骨鸡翼 ～ 单骨真系好方便，鸡翼炸到脆卜卜，黑松露酱同炸物不嬲都好夹。🔯 惹味沙嗲三宝 ～ 有牛柏叶，猪皮和鱿鱼上层会加沙嗲酱。但我建议倒哂入沾面到仲正。