泰潮 (已結業)

途经深水埗撞到个朋友，无端端就一齐食。咁佢一口就话食呢间因为唔使等位⋯心谂大件事，会唔会好难食。去到见到海南鸡系招牌，咁就稳阵地叫咗个海南鸡饭配油饭套餐嚟嘅，套餐包普通饮品、例汤、青瓜粒。见到芝士虾丸又想叫＄40得两粒⋯⋯之后见到猪手饭有餐就系咁我叫埋猪手饭。好似无菜，虽然佢个餐有个青瓜粒，但系都系要多碟马拉盏炒杂菜。先讲杂菜味道正常，都多菜大碟嘅。送𠮶个青瓜粒呢就豉油碟上，落咗啲捞檬粉嘅酸汁。海南鸡饭啲鸡起咗骨，除左只鸡翼，鸡嘅份量都多。啲鸡皮好嫩滑，鸡肉唔鞋。啲油饭就差啲，饭本身应该唔系油粘米，一粒粒爆开晒既，所以饭鞋口又无鸡油香只得黄色。猪手饭个饭都系呢个油饭，但系个猪手就比较出色，𠮶啲猪手皮好滑滑呢～估唔到啲猪肉好冧唔鞋，同埋好大个献汁，有一啲酸菜粒喺碟边。到＄20一粒嘅芝士虾丸系爆浆芝士。芝士呢就多嘅但系就冇乜咸香，虾胶正常（都系来货架啦）＄20一粒实在太贵。饮品加钱叫左龙眼冰杯，同有龙眼水热饮嘅，正正常常有几粒龙眼干咁，龙眼水味道唔浓得个甜。咁样食都要三百🙄虽然唔使我俾⋯⋯