星洲名廚 (已結業)

呢度地方唔算大，装修简单，座位逼，其实唔系太好坐。晚餐价钱唔贵，我知道呢度嘅猪扒特别出名，所以就叫咗两个有猪扒嘅套餐试下。咖喱厚切猪扒+汤 +饮品汤够味，不过唔够热，所以俾零分。咖喱厚切猪扒，咖喱汁系星洲味道，微辣，猪扒松脆，肉质松化，稍稍肥腻，不过厚切嘅口感相当唔错。厚切猪扒叻沙+饮品喇沙味道浓厚，材料丰富，米粉份量相当多，唔算太肥腻，我觉得比吐司工坊嘅叻沙好味多，跟一碟厚切猪扒，扒面脆，肉质松化, 喇沙+切猪扒系绝配。白咖啡奶味过龙，咖啡味淡, 唔好饮。餐厅食品价钱唔贵，我觉得好扺。