CHICKEN CHIKO

营业中

休息中

北角隐世韩式小店，空间相当阔落，电视上仲会播韩国综艺，好有韩剧入面大家聚埋一齐饮酒食嘢倾计嘅感觉！甜辣炸鸡&乳酪洋葱炸鸡炸鸡都非常推荐，无骨得嚟份量相当大方，就算系轻盈版都好够，想试多啲味可以嗌轻盈版。今次就试咗两个皇牌：甜辣炸鸡同乳酪洋葱炸鸡，炸得好酥脆，肉汁好多完全冇雪藏味，两款酱汁都好味，个人会更加钟意乳酪洋葱味，食落清新唔会腻。韩式鱼糕汤嘅调味啱啱好，唔会太咸，鱼糕真系有鱼味，个煲仲有火不断热住，暖粒粒，绝对系饮完酒想暖下个胃嘅不二之选。韩式辣猪肉紫菜包饭，份量好有诚意，足足有成十块咁多，辣猪肉好惹味，好下酒！