Pulau

营业中

休息中

今日去中环新地标-中环街市朝圣，自从佢装修完之后都未黎过，所以趁去开中环就黎睇下。入去其实地方光猛，干净，几舒服。仲有分室内室外，个感觉几正。个格局令我谂起新加坡食饭个feel, 最搞笑系佢又真系有坡菜，咁咪顺势试试 - 蒲罗。坡菜必点-咖央多士，去亲新加坡都必食。佢个多士无坡式咁 Dry, 可能迎合翻港人既口味，唔错既，个半熟蛋就系坡式水准，正既，啲豉油都系新加坡𠮶种浓稠既豉油，有咸味仲有坡味。主菜-海南鸡饭，去新加坡其中一个最common既就系海南鸡饭，所以叫左个。啲鸡肉质够滑，就算鸡胸都唔会“鞋”。配个鸡油饭+三色酱，唔驶多，特别中意黄色𠮶个蒜蓉酱，停唔到！最后同朋友share个小食，咸蛋鱼皮。呢个就离谱喇，啲咸蛋多到夸张，满足我呢啲咸蛋控。鱼皮亦都无因为咸蛋酱而软身，仲系脆朴朴，我谂应该系即叫即整，所以稍为等一等先有得攞，完全好食过一包包薯片𠮶种咸蛋鱼皮。系香港想食到新加坡咖央多士、半熟蛋、即整咸蛋鱼皮，我谂真系罕有，中意坡菜既人，值得黎试。