影片
更多
2014-11-09
1148 浏览
好耐以前系中环一带行过呢间店舖就有位伯伯问我系咪入去食野刚刚好我已经食完午饭，入面又好似好多人咁所以决定择日再去:^0结果搞到过左差唔多成年先再黎-____但就见唔到果位伯伯……餐牌选择几多架唔只系佢地出名既水饺，仲有饭、面、小菜……水饺亦有水煮同香煎，不过我就好失败地又系睇漏眼冇拣煎……另外佢有得外卖生水饺番去自煮:^)细细既碗仔好得意:^)羊肉京葱水饺 $56一望落去，嗯……冇穿冇烂，系个色水唔够吸引，但讲真就咁水煮饺系咁既饺皮厚薄睇相都估到，咁透馅就点都唔系厚到食粉先啦外皮厚度刚好系唔易穿既，我估系半厘米？食落烟韧又有少许面粉香羊肉馅料调味较清淡，带有浓而不腻既羊肉香气肉汁丰盈可口，只系葱香就太微弱了狗不理包子 $32卖相好似小笼包，但大小就系肉包咁以前都食过几次狗不理包子，佢既外皮系香甜软绵好似普通中式包咁特别之处系佢既外皮系好似发唔起既包咁，所以薄身得黎有嚼劲肉馅调味刚刚好，更带出肉香馅料冇油腻感，肉汁被外皮内层吸收加上原本包既微甜，整体味道好不丰富:^D炸酱面 $42炸酱味道偏咸，带有油香因为佢系黏稠既，揽拌时加入少许汤就会容易拌匀而且汤有调味，唔会好似加水咁冲淡哂蔬菜味道
好耐以前系中环一带行过
呢间店舖就有位伯伯问我系咪入去食野
刚刚好我已经食完午饭，入面又好似好多人咁
所以决定择日再去:^0
结果搞到过左差唔多成年先再黎-____
但就见唔到果位伯伯……
餐牌选择几多架唔只系佢地出名既水饺，仲有饭、面、小菜……
水饺亦有水煮同香煎，不过我就好失败地又系睇漏眼冇拣煎……
另外佢有得外卖生水饺番去自煮:^)
细细既碗仔好得意:^)
羊肉京葱水饺 $56一望落去，嗯……冇穿冇烂，系个色水唔够吸引，但讲真就咁水煮饺系咁既
饺皮厚薄睇相都估到，咁透馅就点都唔系厚到食粉先啦
外皮厚度刚好系唔易穿既，我估系半厘米？食落烟韧又有少许面粉香
羊肉馅料调味较清淡，带有浓而不腻既羊肉香气
肉汁丰盈可口，只系葱香就太微弱了
狗不理包子 $32卖相好似小笼包，但大小就系肉包咁
以前都食过几次狗不理包子，佢既外皮系香甜软绵好似普通中式包咁
特别之处系佢既外皮系好似发唔起既包咁，所以薄身得黎有嚼劲
肉馅调味刚刚好，更带出肉香
馅料冇油腻感，肉汁被外皮内层吸收
加上原本包既微甜，整体味道好不丰富:^D
炸酱面 $42炸酱味道偏咸，带有油香
因为佢系黏稠既，揽拌时加入少许汤就会容易拌匀
而且汤有调味，唔会好似加水咁冲淡哂
蔬菜味道清新，配上肉润丰盈既炸酱就可以减低腻度
面条算系粗身，合我心水
食落软稔带香，唔会俾炸酱味完全覆盖！
整体份量还可以，可能我本身食得多？俾我食就一定要加好多其他野啦xd
五香排骨 $38五香味道十分浓郁，摆近唇边就已经系重重既香气
排骨唔系我想像中蒸排骨既样，反而系好似猪软骨咁
食落唔会有粗硬既骨块，仲会有少许脆骨软骨
肉质稔软到一抿即化，虽然系熟透，但佢唔会韧身又唔会干哂水走哂d肉汁
份量唔多却是我好中意既一道菜（因为大食所以会考虑佢份量先推介xd
驴打滚 $18香稔软糯，真系一夹起已经软瘫果种
神奇在佢系紧紧黏合，唔会散开
红豆蓉细滑清甜，配上外层香气甚浓既黄豆粉，感觉甜而不腻
厚身又唔会令人感觉腻口
同埋佢算系大件，换作系出面食贵价餐厅既薄身版，都有四件挂
加上手工同卖相……其实都系值得试既
豌豆黄 $18
质感有点像大菜糕既爽口硬身，但佢仲带有微粉
豆香重而清，就算系甜食都唔会腻滞
不过就比较易烂易断开，夹起黎要就一就力度
豆浆 $7细细支，对于我黎讲就甜左d
豆香一般，唔系话咩必饮咁既
价钱如上，一间多次入围米芝莲既小馆……值唔值得就睇你点定位
点都要提下，系我既角度，佢份量系偏细既
张贴
