鬼混 (已搬遷) 新店位置

好耐冇约朋友见面，今日见到呢间餐厅个名好特别，决定同朋友high tea 撑枱脚！一个成功嘅Afternoon Tea Set 除咗好味之外，环境风景都好重要！首先餐厅位置方便之余景观好开阳，餐厅装修好有心思，天花板都挂满画，餐桌、tableware 都好靓，睇到已经令人赏心悦目。三层下午茶之中，我哋最钟意佢嘅咸点，特别系三文鱼牛角包，用料新鲜，牛角包外脆内软、食一个唔多够喉添！和牛批嘅牛肉好香嫩而且油分充足，好正！钟意食甜嘅朋友可以慢慢享受窝夫同埋千层蛋糕等等，食完好有幸福感，亦都好有惊喜感。餐饮朋友点咗咖啡，拉花好靓咖啡好香滑。因为已经饮咗两杯咖啡，所以我就要杯冻柠茶，清清地都系唔错嘅选择。