Arcadia

营业中

休息中

每个周末都要绞尽脑汁谂吓去边间餐厅食饭，今次拣咗Arcadia。虽然未到万圣节，但系餐厅已经将餐厅布置到充满万圣节气氛。餐厅原先装潢都好靓，而且充满打卡位包括浴缸、热气球同墙身壁画🥰- Yuzi Party 餐厅嘅cocktail好打卡able，女朋友叫左Yuzi Party，精致嘅卖相背后系香浓嘅柚子味道，整体味道酸酸甜甜，容易入口👍🏻- 生牛肉薄片厨师刀工非常厉害，每一片生牛肉切到纸咁薄。生牛肉、火箭菜同黑醋既配搭非常完美，食落非常开胃👍🏻- 龙虾汁意大利饭配龙虾尾香浓嘅龙虾汁包住每一粒意大利米，意大利饭口感烟韧兼幼滑。至于龙虾尾肉质新鲜，味道鲜甜弹牙😍- 澳洲M3和牛肉眼扒外层焦香而且有坑纹非常吸引。牛扒除咗第一啖食到少少筋，其余每一啖都系肉质嫩滑，油脂分布平均，牛味浓郁😋餐厅室外地方系一个天台花园，行出去可以远眺成个维港景色。