火鍋英雄 (已結業)

今日天气突然转冷，得15度，打边炉就啱晒。又来呢间个人好喜欢嘅火锅英雄， 咁冻梗系要食个麻辣锅暖一暖身。特别钟意呢度系佢哋座位空间大，两个人坐卡位，几宽躺又要够私隐， 坐得舒服。坐低就有八道前菜，但每一样都绝不马虎，个人最钟意莲藕，青瓜同埋腩肉今次拣咗重庆麻辣拼二十五年陈年花雕醉乌鸡锅，麻辣锅可以拣大中小辣，先试下小辣，汤底更可以拣用牛油或者菜油，钟意重口味嘅我就拣咗牛油，肥啲但系香啲。小辣的确唔系好辣，重点系辣味香浓，有点麻，越食越过瘾。醉乌鸡锅好足料，有半只乌鸡，个汤好好饮，药膳鸡汤十分暖胃，我饮咗好多碗。美国极品肥牛（小） $208用料上乘，入口牛味香浓，油脂分布平均，肉质结实得来入口唔会韧，小份已够2个人食。招牌四宝丸（ 12粒） $118个人最钟意食虾丸同埋墨鱼丸， 食得出系自家手打，超级弹牙好好食。蒙古羊肉片$98冇乜骚味，唔错，今天食羊肉啱晒酥炸响铃 $48唔知系咪即叫即炸， 但系食落口劲脆又好香，正韭菜水饺（六件） $48出乎意料地好，饺子馅料好足料鸭血$45麻辣锅必点，好滑口， 煲好耐都唔会一夹就散。四川绍粉 $28麻辣锅必点，口感烟韧，吸晒啲汤味好入味。杂菜篮$58