好好便當 (已結業)

经过俾佢个铺面吸引咗，好有台湾风味，装修亦十足台味，系咁播我哋一定识唱嘅台湾歌，所以本身期望都几高。唔想食太多炸嘢，所以点咗个大炸鸡扒便当 ($58)同葱爆贡丸干拌面 ($46)，另外再加个蒜香台湾香肠 ($12)。价钱唔平，但如果好食嘅话都合理。结果真系令人出乎意料地失望，炸鸡扒好深色，似系用万年油炸或者炸到过哂龙咁嘅款。葱爆贡丸本身为系用葱爆炒贡丸，点知原来系炸嘅葱馅包心贡丸，不过系全餐最好食嘅嘢。便当同干拌面都系用同一种肉燥汁，只系得甜味，或者可以话系无味。卤水白萝卜好深色好似好入味咁，但又系得个甜字。仲要啲高丽菜系完全无煮过都算，俾哂啲菜头我，根本无谂住我会食咁。最后，台湾香肠虽然都好食，但只有一条我只手指公咁大粒嘅，咁就$12......整体来讲，只可以话系虚有其表，完全唔好食。