合一咖啡屋餐廳 (已結業)

合一咖啡屋餐厅系一间由天主教徒同基督教徒合办既餐厅，鼓吹基督徒系主内合一与共融、彼此建立同见证主爱。餐厅有好几间分店，佢地既布置上都花了不少心思，令到食客系享用优质美食既同时，都能感受到来自主耶稣基督所赐予既宁静同平安。2个人无book 位, 星期六下午4点左右黎到，职员安排我地坐近门口既位置，呢到环境好宁静，入座率偏低，感觉好舒服，很适合情好友倾计既地方。坐低之后就见到墙上挂左好多唔同带有意思既圣经金句我地叫左个2人TEA SET，包2杯花茶，但系可以选择加12蚊转咖啡。我地叫左一杯花茶，一杯香橙朱古力咖啡，杯咖啡仲有埋拉花，好靓之余仲唔太甜，值得推介。Tea set 有好多野食，包括曲奇饼，炸虾，三文治，三文鱼，蛋糕，同埋焦糖炖蛋，味道虽然无酒店级水准，但系都相当唔错，仲要可以坐到成2个钟，系佐敦呢区真系比较难揾架啦。