新泰東南亞餐廳 (興旺閣)

营业中

休息中

泰式生虾 $118 食生虾多数都会担心卫生问题，但系大家可以好有信心咁样喺呢度食。食落去依然鲜甜！私心钟意夹埋生嘅蒜头一齐食，虽然食完之后个口会有一大浸味，但系𠮶阵辛辣味同埋辣椒嘅辣度一齐食真系好过瘾。肉碎生菜包$88 食泰国嘢点可以唔食生菜包。大大碟生菜包，虽然对于香港人嚟讲佢真系有辣味，但系配埋新鲜嘅生菜叶一齐食就可以中和咗。份量大到感觉上可以试过一齐食。泰式咖喱牛 $108 呢一款咖喱唔会太辣，加埋牛肉嘅肉味点啲印度薄饼真系一流。食落去都觉得有八至九条牛肋条，大大啖配埋薄饼！薄饼嘅酥脆，亦都令到口感更加丰富。泰式菠萝炒饭$138 菠萝炒饭有肉松可以俾自己随意加落去，上菜嘅时候腰果亦都会摆咗喺旁边俾自己按口味加落去。炒饭里便有大虾、提子干、腊肉粒，食落去好惹味。而且一啲都唔油，每一粒饭都系够干身分开一粒粒。