Tai O Lookout

营业中

休息中

大澳文物酒店入面有间玻璃屋造型嘅餐厅，lookout 造型相当有格调，本以为用玻璃嘅设计可以饱览海天一色同山景，但原来只有最贴近海边嘅几枱先望到个海。其余会被一米嘅墙挡住，坐低只可远眺望到个天，有啲失望。下午茶价钱都系一百头有一个set 连嘢饮，价钱以酒店价格唔算贵，但整体食物质素非常一般。公司三文治，配料丰富仲配搭薯条，非常饱肚，系咁多set 之中较抵嗌。炸鱼薯条有4旧炸鱼，份量算慷慨。鱼柳香脆入面唔干。沙嗲鸡串有6串，但每串份量唔多，串烧偏干，沙嗲酱份量偏少。大澳炒饭饭粒炒到粒粒分明，但除咗份量少之外，仲炒到好干，而且仲有虾干，真系又干又硬。