影片
更多
2022-08-04
2710 浏览
晚市食佢哋嘅90分钟放题。食贵啲𠮶个。有海胆，吞拿鱼同埋三文鱼子寿司无限食。埋单计埋+1 ，每人$725. 首先入面嘅环境真系非常之狭窄。成间舖头只系可以坐到几台客，有三个侍应同埋两个寿司师傅。入到去,系有少少吓亲嘅。冇谂过咁细。不过都唔紧要啦，最紧要嘢食好味姐。一坐低，佢哋就会比一盘set我哋。食完之后就可以写纸仔要自己想再追加嘅嘢。第一个set来得好快。跟住我哋就写纸仔啦。写完纸仔等咗半个钟都冇任何寿司上到俾我哋。但系眼见其他比我哋迟入座更加系迟交纸仔嘅客人已经纷纷上左好几次寿司。有一台起码上咗50件寿司以上，但都未轮到我哋。已经又肚饿又冇耐性嘅我哋，开始炆憎。同侍应反映咗几次，都系迟迟未有寿司。$725一位，限时90分钟，有30分钟系冇嘢食嘅。唔嬲𠮶个先至奇啦。其中一个比较有经验嘅侍应话原来有个侍应系新来嘅。可能佢唔识得入纸仔，所以我哋之前点嘅寿司根本就冇入到电脑，寿司师傅当然就冇整到任何一件寿司俾我哋啦。但我哋吹咗几次佢哋先至发现到呢个问题。但系有经验嘅𠮶个侍应都非常之有耐性同有礼貌，帮我哋快快入纸仔，同埋安排我哋嘅寿司做先。虽然头𠮶大半个，一肚气，但后尾都系食得饱嘅。之后一直
首先入面嘅环境真系非常之狭窄。成间舖头只系可以坐到几台客，有三个侍应同埋两个寿司师傅。入到去,系有少少吓亲嘅。冇谂过咁细。不过都唔紧要啦，最紧要嘢食好味姐。
一坐低，佢哋就会比一盘set我哋。食完之后就可以写纸仔要自己想再追加嘅嘢。第一个set来得好快。跟住我哋就写纸仔啦。写完纸仔等咗半个钟都冇任何寿司上到俾我哋。但系眼见其他比我哋迟入座更加系迟交纸仔嘅客人已经纷纷上左好几次寿司。有一台起码上咗50件寿司以上，但都未轮到我哋。已经又肚饿又冇耐性嘅我哋，开始炆憎。同侍应反映咗几次，都系迟迟未有寿司。$725一位，限时90分钟，有30分钟系冇嘢食嘅。唔嬲𠮶个先至奇啦。其中一个比较有经验嘅侍应话原来有个侍应系新来嘅。可能佢唔识得入纸仔，所以我哋之前点嘅寿司根本就冇入到电脑，寿司师傅当然就冇整到任何一件寿司俾我哋啦。但我哋吹咗几次佢哋先至发现到呢个问题。但系有经验嘅𠮶个侍应都非常之有耐性同有礼貌，帮我哋快快入纸仔，同埋安排我哋嘅寿司做先。虽然头𠮶大半个，一肚气，但后尾都系食得饱嘅。
之后一直都有留意新来嘅侍应，好似学咗好几次，都未学到点样入纸仔。所以将来其他客有冇嘢食都真系要睇运气。
讲番啲嘢食，因为已经冇咗半个钟头嘅时间，之后来寿司我哋都食得好急，亦都因为之前搞到心情唔好，真系唔系好食到寿司好味定唔好味。不过一定好过坊间连锁店嘅放题。鱼生嘅品质好好多，亦都好新鲜。海胆，同埋三文鱼子非常之正常。拖罗就睇运气。有啲好肥美，有啲瘦少少，不过都好嘅。
佢哋嘅炸物都好好味。虽然甜品得两款，但系两款都好好味。
我唔知道如果全程可以90分钟食嘢嘅话感觉会唔会好啲。但因为我哋真系食得太急啦，唔系好品尝/享受到寿司嘅味道。
一次就够。
天妇罗
43 浏览
0 赞好
0 留言
张贴
