Tommy Yummy (The LOHAS康城)

营业中

休息中

康城商场入面食饭嘅选择一向不多，今次就试吓开业几个月嘅新派泰国餐厅，见到佢入面装修新净，而且座位都算阔落，另外价钱喺将军澳区内亦唔算特别贵，每样主菜大约$100-200 左右我哋今次叫咗三样食物，第一样系属于前菜类别嘅八爪鱼沙律，八爪鱼以烧烤方式煮熟，保留住八爪鱼嘅鲜味同时有烧烤嘅香味，佢嘅沙律汁亦都非常开胃。第二样叫嘅系黄咖喱软壳蟹，咖喱汁系泰式带有鸡蛋嘅做法，咸度辣度适中，送饭一流，而软壳蟹嘅炸粉亦唔会太厚，系值得推荐嘅一道菜。最后嘅一样食物系甜品，芒果乳酪刨冰，味道亦都拍得上泰国著名甜品店嘅出品。今次我哋一行二人分享三样嘢食，都算够饱，下次会再嚟试吓其他食物